«Սերժ Սարգսյանից ոչ թե 10%, 20%, 50%-ն էր դժգոհ, այլ՝ 99,9%-ը». Գագիկ Ծառուկյան
«Սերժ Սարգսյանից ոչ թե 10%, 20%, 50%-ն է դժգոհ եղել, այլ՝ 99,9%-ը :Ժողովրդի ձայնն էսօր կարևոր է, միասնականությունը հաղթում է: Ինչ վերաբերում է մեր քվեարկությանը, մեր որոշումը միասնական է, մենք մի ընտանիք ենք»,-ԱԺ-ում լրագրողներին ասաց ԱԺ «Ծառուկյան» խմբակցության ղեկավար Գագիկ Ծառուկյանը: Հարցին՝ այս օրերին հանդիպում ունեցե՞լ է Սերժ Սարգսյանի ու Կարեն Կարապետյանի հետ, ԲՀԿ առաջնորդն ասել է. «Ոչ, Կարեն Կարապետյանի հետ մոտավորապես տարիուկես հանդիպում չեմ ունեցել, նախագահի հետ ևս չեմ ունեցել»: «Նիկոլ Փաշինյանը գրագետ, պատրաստված քայլ կատարեց ու պատմության մեջ անցավ: Ոչ մեկն էլ չէր հավատում, որ նա կարող էր հաղթանակի հասներ: Իմ ու Նիկոլի միջև տարբերություն կա կազմակերպվածության, այո, ես թափ ունեի, բայց մի գիշերում կալանավորումներ եղան իմ թիմից, իսկ իր դեպքում այլ է՝ նա մենակ, իր համար, քայլերթով, խաղի կանոները պահելով կատարեց ժողովրդի սպասելիքն ու անհնարինը հնարավոր սարքեց»,-ասաց Ծառուկյանը:
Հետևեք մեզ Viber-ում
