Մեր վերջնական որոշումը հայտնի կլինի թեկնածուին լսելուց հետո. Վ.Բաղդասարյան
ԱԺ-ում լրագրողների հետ ճեպազրույցում Հանրապետական խմբակցության ղեկավար Վահրամ Բաղդասարյանը հայտարարեց.«ԱԺ Հանրապետական կուսակցությունը ապրիլի 30-ի գիշերը հրավիրել է Գործադիր մարմնի, այնուհետև խմբակցության նիստ, որի ընթացքում որոշվել է` այսօր առավոտյան կլսեն վարչապետի թեկնածու Նիկոլ Փաշինյանի ծրագրային ելույթը, կուղղեն հարցեր թեկնածուին, հետո միայն խմբակցությունը միաձայն որոշում կկայացնի»:
Անդրադառնալով երեկ գիշերը Նիկոլ Փաշինյանի հայտարարությանը, թե Հանրապետական խմբակցությունը իրեն հասած տեղեկություններով պատրաստվում է տապալել քվեարկությունը` Բաղդասարյանը կրկնեց, թե իրենք բազմիցս են հայտարարել, որ չեն խոչընդոտի նիստի կայացմանը։
«Մենք չենք խոչընդոտի նիստի կայացմանը։ Մենք ասել ենք, որ մեր պատգամավորները ներկա կլինեն նիստին, նիստը կկայանա, մեր պատգամավորները հնարավորություն կունենան լսել վարչապետի թեկնածուի ծրագրային ելույթները և հնարավորություն կունենան հարցեր ուղղել վարչապետի թեկնածուին», - ասաց Բաղդասարյանը։
Հետևեք մեզ Viber-ում
