«Ձեր ժպիտով այս հեղափոխոխությունը մեջտեղ բերիք». Արսինե Խանջյան
«Ձեր ժպիտով այս հեղափոխոխությունը մեջտեղ բերիք :Բոլորս նոր փոփոխությունների առջև ենք գտնվում, այդ փոփոխությունները մերն են: Ես հավատում եմ, որ դրանք շատ ավելի կարճ ժամանակում են իրականանալու: Այսօր ֆրանսերեն մի թերթի մեջ կարդացի, որ Հայաստանն այսօր օրինակ է շատ երկրների համար, օրինակ Ադրբեջանի, հետխորհրային երկրների և թեկուզ հենց՝ Ռուսաստանի համար: Իմ կյանքում առաջին անգամ ես համաշխարհային այսպիսի ուշադրություն եմ նկատում մեր երկրի հանդեպ: Սիրելի՛ Սփյուռք, շատերդ քննադատեցիք, թե իմ տեղը չէր Հայաստանի քաղաքացիների կողքին լինելը: Բայց դուք ականատես եղաք, որ այսօր Հայաստանն իր քաղաքացիներով օրինակ դարձավ ամբողջ աշխարհի համար: Իսկ մեր գործը պետք է լինի աջակցելը, մենք պետք է ներգաղթենք՝ ամեն ձևով: Բոլորս պետք է հավատանք, որ Նիկոլ Փաշինյանի այս քայլերի արդյունքում Հայաստանն ու Սփյուռքը կարող են վերջապես նստել, խոսել ու համագործակցել: Սիրելի՛ Սփյուռք, հավատացե՛ք, որ նոր Հայաստանը ձեզ ավելի շատ է սիրում»,- հանրահավաքի ժամանակ ասաց դերասանուհի Արսինե Խանջյանը:
Հետևեք մեզ Viber-ում
