Առաջիկա 7-8 տարիներին ժողովուրդը լավ ապրելու մասին չպետք է մտածի. Գագիկ Մելիքյանը՝Փաշինյանին

Ազգային ժողովի ՀՀԿ խմբակցության քարտուղար Գագիկ Մելիքյանը խորհրդարանում վարչապետի ընդդիմադիր թեկնածու Նիկոլ Փաշինյանի հանդիպման ժամանակ հարցրեց «Նաիրիտ» գործարանի վերագործարկումից: «Ե՞րբ է աշխատելու «Նաիրիտ»-ը»,-հարցրեց նա: Հարցին ի պատասխան՝ Փաշինյանն ասաց․ «Պարոն Մելիքյա՛ն․ ցավոք, ես փորձագիտական մակարդակով չեմ տիրապետում այս խնդրին և չեմ կարող այդ հարցին պատասխանել։ Իսկ ինչ վերաբերում է այն խնդրին, որ շարժման ամեն օրը հետ է շպրտում երկրի տնտեսությունը, ապա պետք է ասեմ, որ մեր բաց թողած ամեն մի օրը կկոմպենսացվի»։ Փաշինյանը նկատեց, որ իրենք ունեն կադրային բազա, սակայն, չեն գալիս կադրային ջարդ իրականացնելու։ «Առաջիկա 7-8 տարիներին ժողովուրդը լավ ապրելու մասին չպետք է մտածի»,ասաց Մելիքյանը: Փաշինյանն էլ հորդորեց հուսահատություն չսերմանել. «Եթե մինչեւ հիմա չի հաջողվել մի բան, չի նշանակում, որ չի հաջողվելու նաեւ սրանից հետո: ՀՀ տնտեսության զարգացման հիմնական խոչընդոտն արդարության եւ օրենքի իշխանության բացակայությունն է: Դրանք հաստատելու դեպքում կապահովվի Հայաստանի կայուն զարգացումը: Վայրկյան անգամ չեմ կասկածում, որ տեսնելու ենք շատ լուրջ արդյունքներ: Փոխվել է մարդկանց տրամադրությունը, երկրի տրամադրությունը, ապրելու, արարելու, աշխատելու տրամադրությունը կկանխորոշի հետագա զարգացումը: Համոզված եմ, որ արագ դրական փոփոխություններ են լինելու»: