Խոսրով Հարությունյանը պաշտոն ուզեց Փաշինյանից

«Որն է լինելու նոր կառավարության հիմնական կազմը: Այս պրոցեսը  ֆոսմաժորային իրավիճակում է տեղի ունենում, և վարչապետի նշանակումը, կառավարության ձևավորումը ներքաղաքական ճգնաժամը հաղթահարելու գործիք պիտի լինի, եթե սա լիներ սովորական ընտրական պրոցես, այլ տրամաբանությամբ պիտի գնար, բայց առաջին խնդիրը, որ պիտի լուծվի, պետք է արձանագրվի այն հենարանը, որը ուղղակի դառնում է վարչապետի ընտրության իրականացնող, պետք է արձանագրվի այդ շրջանակը, և կառավարության կազմը պետք է ձևավորիվի այդ շրջանակի հետ հանդիպման ընթացքում»,-վարչապետի թեկնածու Նիկոլ Փաշինյանից հանդիպման ժամանակ հետաքրքրվեց ՀՀԿ-ական պատգամավոր Խոսրով Հարությունյանը: « Մեր նպատակը չէ ստեղծել մի իրավիճակ, երբ հանրության մի մասը արձանագրի, որ հաղթել է, իսկ մյուսը՝ պարտվել, մեր նպատակն է ստեղծել իրավիճակ, որտեղ խաղաղ պայմաններում հնարավոր կլինի քննարկել օրակագային փաստերը, իսկ կառավարության ապագա կազմը կձևավորվի կախված նրանից, թե վաղը քվեարկությունն ինչպիսի քաղաքական պատկեր ցույց կտա, քաղաքական խորհրդակցությունների ու քննարկումների արդյունքում կձևավորվի»,-ասաց Փաշինյանը: « Ես կողմ եմ  համաձայնության կառավարություն ստեղծելուն: Բնական է, որ Փաշինյանը հաստատ գիտի գոնե մի քանի հիմնական պաշտոնատար անձանց ապագա կրողներին: Անորշությունը մեծացնում եք, երբ նրանց անունները չեք հնչեցնում»,-ասաց Հարությունյանը: «Մենք չենք գալիս կադրային ջարդ անելու, ոչ մերոնքականներին մերոնքականներով փոխարինելով»,-ասաց Փաշինյանը: