Բոլոր հարցերի պատասխանը կարելի էր փակել, ասելով՝ Սերժը ճիշտ էր, Նիկոլը սխալվեց. Աշոտյան
«Մենք պետք է զարգացնենք մեր հարաբերությունները բոլոր գործընկերների հետ, բայց դա չանենք մեկը մյուսի հաշվին :Որևէ ուղղությամբ պոտենցիալը ճշգրիտ և ամբողջությամբ չի օգտագործված և դա մենք կփորձենք անել», - ԱԺ-ում պատասխանելով Ազգային ժողովի արտաքին հարաբերությունների մշտական հանձնաժողովի նախագահ Արմեն Աշոտյանի՝ Եվրամիության հետ հետագա հարաբերություններին վերաբերող հարցին՝ ասաց վարչապետի թեկնածու Նիկոլ Փաշինյանը։ Արձագանքելով՝ Աշոտյանը հիշեցրեց ԵԱՏՄ-ից Հայաստանի դուրս գալու վերաբերյալ Փաշինյանի արած հայտարարությունները, ապա ասաց. «Կարծում եմ, որ երբ Հայաստանի ընտրված վարչապետ Սերժ Սարգսյանը հրաժարական էր տալիս և ասաց՝ Նիկոլը ճիշտ էր, ես սխալվեցի, այս բոլոր հարցերի պատասխանը կարելի էր փակել, ասելով, որ այս դեպքում Սերժը ճիշտ էր, Նիկոլը սխալվեց»։
Հետևեք մեզ Viber-ում
