Իսրայելը հարված է հասցրել Սիրիայի ուղղությամբ. կան տասնյակ զոհեր և վիրավորներ

Իրանական ISNA գործակալությունը փոխանցում է, որ ապրիլի 30-ի՝ լույս երկուշաբթի գիշերը Սիրիայի ռազմաբազաներին մի շարք հրթիռային հարվածների արդյունքում 18 իրանցի է սպանվել։ Սպանվածների շարքում մեկ կամ մի քանի բարձրաստիճան զինծառայողներ կան։ Մարդու իրավունքների հարցով սիրիական կենտրոնի հաղորդագրության համաձայն՝ հրթիռակոծման են ենթարկվել 47-րդ ջոկատը, որը տեղակայված է Համա քաղաքից դեպի արևմուտք, ինչպես նաև Հալեպի օդանավակայանից ոչ հեռու գտնվող ռազմաբազան: Սիրիական պետական ԶԼՄ-ները հայտնում են, որ հրթիռային հարվածները կարող էին հասցնել իսրայելցիները: