«Թավշյա, բաց ձեռքերի, անկեղծ քայլերի հեղափոխությունն իր առաջնորդի հետ իշխանություն է արդեն». Նարինե Դիլբարյան

Հայաստանի պետական-քաղաքական դաշտը մեծ վերադասավորումների առջև է: Թավշյա, բաց ձեռքերի, անկեղծ քայլերի հեղափոխությունն իր առաջնորդի հետ իշխանություն է արդեն, վարչապետի քվեարկության արդյունքը կանխորոշված է՝ Նիկոլ վարչապետ օրինաչափ կարգախոսը մայիսի մեկին կիրականանա, սակայն դրա հետ մեկտեղ անխուսափելի իրականություն են քաղաքական և տնտեսական ուժերը, որոնք պետությունը հասցրին այս աղետալի վիճակին՝ ստեղծելով անօրինականության, մենաշնորհների, կոռուպցիայի, վախի և քծնանքի վրա հիմնված եղկելի համակարգը՝ քաղբանտարկյալներով, կեղծված ընտրություններով և Հիմնական օրենքով՝ Սահմանադրությամբ: Նրանք բոլորը փորձելու են իրենց համար զիջումների առավելագույն դաշտ ապահովել և ապահովել իրենց վերարտադրությունը: Հանուն անցնցում փոխանցման զիջումներ պետք են, բայց միայն առժամանակ և անկեղծ: Մեր հաղթանակած և ազատ ժողովուրդը պետք է պատրաստվի շատ ավելի երկարատև, հետևողական և մտածված պայքարի ընդդեմ պետական գանձագողության, քաղաքական ու տնտեսական մենաշնորհների, ընտրակեղծարարության, ազգամերժ Սահմանդրության՝ հանուն ազատ անկախ, բարեկեցիկ և հզոր Հայաստանի: Նարինե Դիլբարյան