«Վլադիմիր Գասպարյանի անվտանգության պետ Արշակ Հակոբյանի հարազատները ցուցարարների նկատմամբ բռնություն գործադրողների մեջ են». Էդիկ Բաղդասարյան
Ոստիկանապետ Վլադիմիր Գասպարյանի անվտանգության պետ Արշակ Հակոբյանի հարազատները ցուցարարների նկատմամբ բռնություն գործադրողների մեջ են։ Դատելով առկա տեսանյութերից՝ կարելի է ենթադրել, որ նրանք հիմնական դերակտարներն էին Էրեբունիում։ Երեկ ոստիկանությունը հայտարարություն է տարածել նշելով՝ «Ոստիկանությունն օրենքով վերապահված իր լիազորությունների շրջանակում անելու է ամեն ինչ խաղաղ հավաքի մասնակցի կյանքն ու առողջությունը, գույքի անվտանգությունը պաշտպանելու համար, չի ձեռնարկել և չի ձեռնարկելու իրավիճակը բարդացնող որևէ գործողություն»: Քաղաքում գործում են երկու խմբավորում, որոնք ամենայն հավանականությամբ ցանկացած պահի կարող են բռնություններ իրականացնել ցուցարարների նկատմամբ։ Վլադիմիր Գասպարյանը պարտավոր է մինչև վաղը մեկուսացնել այդ խմբերին, դրանք շատ վտանգավոր են։ Բոլորի դեմքերը հրապարակված են, հայտնի է մեծ մասի ինքնությունը։
Հետևեք մեզ Viber-ում
