Երևանում 23-ամյա աղջիկը ՎԱԶ-21010-ով վրաերթի է ենթարկել 2 հետիոտնի. վերջիններս տեղափոխվել են հիվանդանոց (լուսանկարներ)
Այսօր՝ ապրիլի 28-ին վրաերթ է տեղի ունեցել Երևանում:
Ժամը 17:10-ի սահմաններում, Երևան քաղաքի Նոր-Նորքի 8-րդ զանգվածի բնակիչ 23-ամյա Անի Սարգսյանը, Նոր-Նորքի 8-րդ զանգվածի թիվ 15 շենքի հարևանությամբ, իր վարած ՎԱԶ-21010 մակնիշի 22 ՏL 151 համարանիշի ավտոմեքենայով վրաերթի է ենթարկել 2 հետիոտնի:
Shamshyan.com-ի փոխանցմամբ՝ վարորդը փախուստի չի դիմել, ահազանգել է Երևանի 1-03 շտապօգնություն, օգնել է վրաերթի ենթարկվածներին տեղափոխել «Սբ. Գրիգոր Լուսավորիչ» բժշկական կենտրոն:
Դեպքի վայրում հավաքվածները ասում էին, որ վիրավորներին հիվանդանոց է ուղեկցել Ա. Նազարյանը:
Փաստի առթիվ ոստիկանության կողմից նյութեր են նախապատրաստվում:
Վարորդը տեղում ենթարկվեց սթափության փորձաքննության, և պարզվեց, որ նա ավտոմեքենան վարել է սթափ վիճակում:
Ոստիկանությունը պարզում է վիրավորների ինքնությունը:
Ավտոմեքենան հետաքննիչի հանձնարարականով տեղափոխվեց Երևանի ՃՈ հատուկ պահպանվող տարածք:
Հետևեք մեզ Viber-ում
