«Մենք ձեր փորձը տեսանք, թե ինչի հասցրիք ժողովրդին, այ փորձված տականքներ». Սասուն Միքայելյան
ԱԺ «Ելք» խմբակցության պատգամավոր Սասուն Միքայելյանն այսօր Իջևանում կազմակերպված հանրահավաքի ժամանակ հայտարարեց, որ իր ելույթները միշտ դիպուկ են։«Այս իշխանություններն իրենց գործունեությամբ հասցրել էին նրան, որ մենք իրար էինք բզկտում, եղբայրը հելել էր եղբոր դեմ, ընկերը՝ ընկերոջ, բայց դա նրանց չհաջողվեց, որովհետև մեր ժողովուրդն իմաստուն է, և նրա իմաստնությունը նրա համախմբման մեջ է: Նիկոլը բան չթողեց քաղաքական դաշտում: Նա հատ-հատ քանդեց: Եվ մենք բոլորս պարտավոր ենք կանգնել Նիկոլ Փաշինյանի կողքին, որ այսօր պետք է առաջնորդի, և մեր նորագույն պատմության մեջ նման առաջնորդ չի եղել»,- հայտարարեց նա:
Այնուհետև շարունակելով խոսքը՝ նշեց. «Մարդիկ կան, որ դարեր մեկ են ծնվում։ Ամբողջ Հայաստանի Հանրապետությունը հավաքվել է, որ Նիկոլին պարտավորեցնի՝ տեր կանգնել որբերին, անտերներին, որ մարդիկ հետ գան։ Նիկոլի ձեռքով մենք պետք է ունենանք ժողովրդավար պետություն։ Հիմա իշխանությունները հոխորտում են, թե նա անփորձ է։ Մենք ձեր փորձը տեսանք, թե ինչի հասցրիք ժողովրդին, այ փորձված տականքներ, հեռացեք այս երկրից»։
Հետևեք մեզ Viber-ում
