Մենք պատրաստ ենք հանդիպել ՀՀԿ խմբակցության և բոլոր պատգամավորների հետ. Փաշինյան
Մենք պատրաստ ենք հանդիպել ՀՀԿ խմբակցության և բոլոր պատգամավորների հետ: Այս մասին, այսօր՝ ապրիլի 28-ին, Իջևանում կայացած հանրահավաքում հայտարարել է «Իմ քայլը» շարժման ավտոերթը՝ ընդդիմադիր շարժման առաջնորդ, ԱԺ պատգամավոր Նիկոլ Փաշինյանը: «Ես հաստատում եմ, որ պատրաստ ենք բանակցությունների, շահարգրռված ենք օր առաջ ավարտել այս խնդիրը: Եթե խնդիրներ կան ֆորմատի հետ կապված, մենք պատրաստ ենք ուղիղ բանակցությունների մեջ մտնել խորհրդարանական ՀՀԿ խմբակցության բոլոր պատգամավորների հետ միաժամանակ: Այսինքն պատրաստ ենք հանդիպել նրանց մի սենյակում և քննարկել ստեղծված իրավիճակը, առաջարկել մեր լուծումները, լսել նրանց կարծիքները: Մենք պատրաստ ենք հանդիպել բոլոր պատգամավորների հետ, միաժամանակ, եթե դրա անհրաժեշտությունը կա: Մենք պատրաստ ենք բանակցել նաև մեզ համար ընդունելի այլ ֆորմատներով»,-հայտարարեց Փաշինյանը: Այնուհետև կոչով դիմեց իջևանցիներին. «Չկա որևէ կասկած, որ Հայաստանում մեկնարկած թավշյա հեղափոխությունը հաղթանակած է: Եվ մեզ կարճ ժամանակատահված է պետք, որպեսզի այդ հաղթանակը դե ֆակտո և դե յուրե հաստատենք: Մեր Ժողովուրդն ամուր կանգնած է այս հաղթանակի հետևում: Եվ ոմանք հույս ունեին, որ ժողովուրդն այնքան կուրախանա Սերժ Սարգսյանի հրաժարականի վրա, որ կմոռանա, թե ինչի համար է հավաքվել: Ս. Սարգսյանի հրաժարականն անհրաժեշտ էր, որպեսզի այդ հեղափոխությունը հասնի իր նպատակին, որի հիմնական իմաստը հետևյալն է. անկախ պաշտոնից որևէ անձի կամ կուսակցության իշխանություն չի պատկանելու: Իշխանությունը պատկանելու է ժողովրդին: Ուզում եմ, որ բոլորը արձանագրեն, որ այս հաղթանակն ունի մեկ տնօրեն, և այդ տնօրենը ՀՀ հաղթանակած քաղաքացին ու ժողովուրդն է: Դուք բոլորդ գիտեք, որ ես ծնվել և մեծացել եմ Իջևանում և ես եկել եմ այստեղ այս հայտարարությունն անելու՝ ես ծնունդով իջևանցի եմ, բայց քաղաքական գործունեության մեջ որպես ՀՀ քաղաքացի ես ասում եմ՝ ես նույնքան իջևանցի եմ, որքան ղարաբաղցի, գորիսեցի եմ նույնքան, որքան կապանցի, եղեգնաձորցի եմ նույնքան, որքան վանաձորցի, չնշեմ բոլոր քաղաքները: ՀՀ-ում կալանային կառավարման էջը փակված է
Հետևեք մեզ Viber-ում
