Սա մեր միակ հնարավորությունն է՝ երկիրն ավգյան ախոռից մաքրելու և արժանապատիվ ապրելու.Պապյան
Օպերային երգչուհի, ՀՀ ժողովրդական արտիստ Հասմիկ Պապյանը, որը բնակվում է Ավստրիայում եւ միշտ ակտիվորեն հետևում Հայաստանում տեղի ունեցող իրադարձություններին, վերջին շրջանում էլ պարբերաբար անդրադառնում է այստեղ կատարվող ներքաղաքական բոլոր գործընթացներին:Հայկական ժամանակը զրուցել է Հասմիկ Պապյանի հետ: - Տիկին Պապյան, չնայած Հայաստանում չեք՝ երբեք չեք դադարում Ձերմտահոգություններն ու անհանգստությունն արտահայտել երկրում կատարվողիրադարձությունների շուրջ: Հետեւե՞լ եք վերջին զարգացումներին: - Հետևել եմ եւ շարունակում եմ հետևել անդադար՝ օր ու գիշեր: Ի միջի այլոց, մտավախություններս դեռ ամբողջովին խաղաղված չեն: Արտաքին ուժերի՝ հարմար պահը իրենց շահերի կողմն օգտագործելը եւ էլի շատ ու շատ սարսափ սցենարներ...: Հայ ժողովրդի թիվ մեկ, հրատապ խնդիրն այսօր հին, իրենց դարն ապրած, մականունավոր, թերուս, բայց միևնույն ժամանակ իրենց ամենակարող համարող ղեկավարներից, այսինքն ՀՀԿ-ից ազատվելն է: Մնացածը ժամանակի խնդիր է: Շատ, անչափելի քանակով անելիք կա Հայաստանում: Ես լիահույս եմ, որ իր տեսակով նմանը չունեցող հեղափոխություն իրականացրած երիտասարդությունը շատ արագ կշտկի իր մեջքը եւ գործի կանցնի՝ մեր երկիրն ավգյան ախոռից մաքրելու եւ արժանապատիվ ապրելու համար: Սա մեր միակ, անփոխարինելի, անդառնալի հնարավորությունն է: Իրավունք չունենք բաց թողնելու: - Սպասում էի՞ք, որ Նիկոլ Փաշինյանի ղեկավարած քաղաքացիական պայքարը նմանարդյունք կունենա, Սերժ Սարգսյանը ի վերջո կգրի այդքան սպասված հրաժարականիդիմումը: - Ես միշտ եմ հավատացել այսօրվա գալստյանը, բայց այսպիսի աննախադեպ արդյունք, այսքան կարճ ժամանակահատվածում, խոստովանում եմ, որ անսպասելի էր: Իսկ սպասված հրաժարականը, կարծում եմ, ինչպես շատերի, նաև ինձ համար «յոթ սարերի ետևում» էր.... Հիմնական մտահոգությունս՝ իշխանությանը ողջ «հոգով նվիրված» (իհարկե չհաշված բացառությունները) ոստիկանության անկանխատեսելի գործողություններն էին, որոնք ամեն վայրկյան կարող էին իրագործվել: Դրա ականատեսը մենք բազմիցս եղել ենք: - Ձեր գրառումներից մեկում նշել էիք, որ Հայաստանն անհապաղ կարիք ունիերիտասարդ, բանիմաց, լայնախոհ, լեզուների տիրապետող եւ հայրենասերղեկավարի: Ո՞վ է վարչապետի ձեր թեկնածուն, ո՞ւմ եք տեսնում այդ կարեւորագույնպոստում: - Այս պահին, իհարկե, երկրի ղեկը իր ձեռքը պետք է վերցնի այն Անհատը, ով հավատաց իր սկսած գործի արդարությանը, ով վարակեց երիտասարդությանն իր անիրական ավյունով, ինչու չէ նաև շատ մեծ վտանգի տակ դրեց իր եւ իր հարազատների կյանքը եւ վերջապես նա, ով գլխավորեց հաղթանակը՝ Նիկոլ Փաշինյանը, իսկ հաղթողներին չեն դատում: - Այս օրերին շատերի կողմից գովերգվեց հայ երիտասարդությանհամախմբածությունը, նոր գաղափարներն ու նոր մոտեցումները, այսուհետ, ինչպիսի՞նեք տեսնում հետագա քայլերը: - Շատ կուզեմ, որ երիտասարդներին իրենց գաղափարի արդարացի լինելու շուրջը հավաքագրող ազնվությունը չմարի, այլ ճիշտ հակառակը, նոր սխրանքների մղի, որպեսզի հիասթափություններ չապրեն, այլ շարունակեն հավատալ իրենց գաղափարի շիտակությանը, վեհությանը եւ շարունակեն իրենց գործը առանց վարանելու, նորանոր սխրանքներով պսակված: Այս հաղթանակի արդյունքը ոչնչով չափել հնարավոր չէ: Այն Հայաստանի տարիներով կեղեքված, հալածված, աղքատ, հուսալքված եւ ապերջանիկ ժողովրդին, չեմ վարանում ասել՝ միանգամից տասնամյակների առաջադիմության թռիչք ապահովեց: Երիտասարդները մի քանի օրում իրենց կյանքի հիմնական դասերը սերտեցին, որոնք ոչ մի դասագրքում հնարավոր չէ գտնել: - Հարցազրույցներից մեկում չէիք բացառել, որ մոտ ժամկետում Հայաստան կգաք: Ձեզե՞րբ սպասենք այստեղ: - Իհարկե, կգամ եւ շատ շուտով: Շատ եմ ափսոսում, որ անձամբ կանգնած չէի Հայաստանի Հանրապետության Վերընձյուղված, իր դերն ու նշանակությունը Վերագտած Հրապարակում: Մանրամասն՝ «Հայկական ժամանակ» օրաթերթի երեկվա համարում:
Հետևեք մեզ Viber-ում
