«Սիրելիներս, ուժեղները ֆոբիաներ չունեն, նրանք միայն սիրում են». Դավիթ Սանասարյանը՝ Գյումրիում
Նիկոլ Փաշինյանի առաջնորդած ավտոերթը հասավ վերջնակետ՝ Գյումրի։ Այստեղ՝ Վարդանանց հրապարակում, նրան սպասում է մեծ բազմություն: «Բարև թասիբով ժողովուրդ»,- Գյումրու Վարդանանց հրապարակում իր ելույթն սկսեց Դավիթ Սանասարյանը:«Մեր այս հաղթական արշավի առաջին օրից ասել ենք, որ չկա ատելություն, կա միայն սեր՝ երկրի ժողովրդի հանդեպ: Փորձում են ներկայացնել, թե այլ երկիր է կանգնած մեր թիկունքում, մեր թիկունքում բացառապես հայ ժողովուրդն է, ոչ ոք չի կարող խառնվել այս երկրի ներքին գործերին, ՀՀ այն քաղաքացին, ով օտար երկրների գործակալն է, նա ամենաստոր դավաճանն է: Կա անհրաժեշտություն, որ նրանք բոլորը հեղափոխության ավարտից հետո բացահայտվեն և ուղարկվեն իրեն տերերի մոտ»: Նա նշեց, որ ռեժիմը հասկանալով, որ այլ տարբերակ չունի, որ ժողովուրդը միասնական է և սիրում են իրար, փորձում են կեղծ ինֆորմացիա տարածել: «Տարածում են, թե իբր մենք ֆոբիաներ ունենք այլ ազգերի նկատմամբ, թե իբր մենք ռուսաֆոբ կամ այլազգաֆոբ ենք: Սիրելիներս, ուժեղները ֆոբիաներ չունեն, նրանք միայն սիրում են»,-ասաց նա:
Հետևեք մեզ Viber-ում
