Պաշտոնապես հայտարարում եմ, որ մոտ օրերս ԱԺ-ն ընտրելու է վարչապետ, և ժողովրդի թեկնածուն լինելու է Նիկոլ Փաշինյանը. Ռուբեն Ռուբինյան
Հանրապետության հրապարակում մեկնարկել է հանրահավաքը։ Քաղաքագետ Արմեն Գրիգորյանն ասաց, որ պետք է հնարավորինս կազմակերպված լինել. «Իշխանությունն այլևս իրավիճակին չի տիրապետում, խուճապի մեջ է»։«Քաղաքացիական պայմանագիր» կուսակցության անդամ Ռուբեն Ռուբինյանն ասաց, որ ՀՀԿ-ն Հայաստանում այլևս իշխանություն չունի. «Մենք պետք է որոշենք, թե ով է այն մարդը, որը լիազորված է լինելու այս հրապարակի և ՀՀ ժողովրդի գերակշիռ մեծամասնության կողմից ընտրվել վարչապետ, կազմել կառավարություն, իրականացնել փոփոխություններ և անցկացնել արտահերթ ընտրությունները»։ Հանրահավաքի մասնակիցները վանկարկեցին Նիկոլ Փաշինյանի անունը։ «Պաշտոնապես հայտարարում եմ, որ մոտ օրերս ԱԺ-ն ընտրելու է վարչապետ, և ժողովրդի թեկնածուն լինելու է Նիկոլ Փաշինյանը»,- ասաց Ռուբեն Ռուբինյանը։
Հետևեք մեզ Viber-ում
