Հայաստանի քաղաքական ուժերը Հայաստանի ժողովրդի հաղթանակը երրորդ կողմի՞ն են զոհաբերելու.Հրանուշ Խառատյան

՛՛Մտահոգ լինելով ստեղծված իրավիճակով` որպես գործադիր իշխանության ղեկավար, ունենալով պարտավորություն ապահովել մեր երկրի բնականոն ռիթմը, դիմում եմ Հայաստանի Հանրապետության նախագահին իր նախընտրած ձևաչափով կազմակերպելու հանդիպում խորհրդարանական և արտախորհրդարանական քաղաքական ուժերի լայն սպեկտրի մասնակցությամբ` քննարկելու ստեղծված ներքաղաքական իրավիճակը և հնարավոր հանգուցալուծման ուղիները` ընդհուպ մինչև արտահերթ խորհրդարանական ընտրությունների անցկացում՛՛,-սա է Կարեն Կարապետյանի առաջարկը երկրի նախագահին: ՛՛Խորհրադարանական ուժերն՛՛, անկասկած նախ և առաջ ՀՀԿ-ն է, արդեն տատանվող Բարգավաճն ու Դաշնակցությունը /՛՛Ելքի՛՛ի մասին չեմ խոսում/, սրան գումարած պատկերացնենք արտախորհրադարանական ուժերից, օրինակ, ""օրինաց երկրին՛՛, ՛՛լուսավոր երկրին՛՛, ՛՛պայծառ երկիր՛՛, ՛՛հարուստ երկիր՛՛ և նման այլ օլիգարխիկ, բայց քաղաքական համարվող կիսամեռ կամ դեռևս չծնված, բայց արդեն հավակնություններ ունեցող կառույցներին, որոնցից յուրաքանչյուրը միայն մի բան է ուզում՝ մասնակցել մեր ժողովրդի համառ կամքով նվաճված իշխանության կտոր-կտոր անելու գործին: Սա աչքիս Լոզանի կոնֆերանսի նման մի բան է, որի ընթացքում Անտանտի երկրները մեռած Օսմանյան կայսրությունը Թուրքիայի հանրապետություն դարձրեցին: Մինչ այդ էլ Մուստաֆա Քեմալը նրանց համոզեց և կռվով վերադարձրեց Արևմտյան Հայաստանն ու ջարդեց-վռնդեց հույներին: Համաձայնեցին: Հիմա փաստացի պարտված ՀՀԿ-ն երկու օրվա ընթացքում համոզել է ՛՛Անտանտի երկրներին՛՛՝ Հայաստանի ՛՛խորհրդարանական և արտախորհրդարանական քաղաքական ուժերին՛՛ ՛՛լայն սպեկտրով՛՛ տապալել ժողովրդի հաղթանակը: Հազիվ թե սրա հետևում միայն ՍՍ-ի կամ ԿԿ-ի կամքն է, կամ նույնիսկ Հայաստանի ՛՛խորհրդարանական և արտախորհրդարանական քաղաքական ուժերի՛՛ ՝ փռից հանվող կարկանդակը համտեսելու ցանկությունն է, հստակ խոստում տվող երրորդ կողմ կա: Հայաստանի քաղաքական ուժերը Հայաստանի ժողովրդի հաղթանակը երրորդ կողմի՞ն են զոհաբերելու: Հրանուշ Խառատյանի գրառումը