Մենք ինչի՞ ենք ուզում հասնել՝ դիկտատուրայի՞. Կարեն Կարապետյան
Կարելի է քննադատել, բայց չի կարելի ուլտիմատիվ ասել՝ այս քաղաքական ուժը պետք է չլինի, այլ ուժ պետք է լինի: Ես շատ եմ հարգում քաղաքական կարծիքը մեր քաղաքական գործիչների, առաջնորդների, բայց երբ մենք խոսում ենք քաղաքական մշակույթի, հանդուրժողականության մասին, կարելի է քննադատել, բայց չի կարելի ուլտիմատիվ ասել՝ սա չպիտի լինի, նա պիտի լինի, ո՞վ է դա որոշում, մի տարբերակ դա որոշելու՝ ընտրությունն է»,- լրագրողների հետ հանդիպմանը նման կարծիք հայտնեց վարչապետի պաշտոնակատար Կարեն Կարապետյանը՝ անդրադառնալով Նիկոլ Փաշինյանի այն հայտարարությանը, թե Հանրապետական կուսակցությունը պետք է իշխանության չլինի: Կարեն Կարապետյանի խոսքով, գուցե նրան, որին Նիկոլ Փաշինյանը չի սիրում, մի զանգված կա, որ սիրում է եւ հակառակը. «Հիմա հակառակ կողմն էլ դուրս գա ասի՝ այս կուսակցությունը պետք է վերացնե՞լ, մենք ինչի՞ ենք ուզում հասնել, դիկտատուրայի՞ ենք ուզում հասնել, ուզում ենք թելադրանքի՞ գնալ: Պետք է ընտրություն անել ու հասկանալ՝ մեր զանգվածը ում է ուզում»:
Հետևեք մեզ Viber-ում
