«Քեզ մեզնից խլած ընկերդ, ում դու «եղբայր» էիր կոչում, երջանիկ ապրում է, հոգի՛ս». ապրիլի 24-ին թուրքական բանակում սպանված Սևակ Բալըքչըի մոր գրառումը
2011 թվականի ապրիլի 24-ին թուրքական բանակում սպանված հայազգի զինվոր Սևակ Բալըքչըի մայրը՝ Անի Բալըքչըն, Facebook-ի իր էջում գրառում է արել որդու մահվան 7-րդ տարելիցի կապակցությամբ: «Քեզ մեզնից խլած ընկերդ, նա, ում դու «եղբայր» էիր կոչում, երջանիկ ապրում է հիմա, հոգի՛ս: Թող ապրի, նրա կյանքի վրա աչք չունենք: Եթե նրա խիղճը հանգիստ է՝ խնդիր չկա: Մենք նախ մարդ ենք, հետո՝ հայ: Մենք մարդիկ ենք, որոնք մրջյունին չեն ճզմում, ասում ենք՝ մրջյունը լավ նշան է, իսկ մոծակի դեմ անգամ դեղամիջոց չենք օգտագործում, նրան մեզնից հեռացնելու մեթոդներ ենք կիրառում: Որքան էլ մեր անցկացրած ծանր օրերն ամեն անգամ վատ ֆիլմի պես անցնեն աչքիս առաջով, որքան էլ գերեզմանիդ այդ հողի կույտին նայելով ամեն անգամ ասեմ, թե ինչ գործ ունես այստեղ, գիտեմ, որ միշտ մեզ հետ ես», - գրել է Անի Բալըքչըն:
Հետևեք մեզ Viber-ում
