Պարզվեց՝ ես երեկ հինգ ժամով պատանդ եմ վերցրած եղել երեք ոստիկանական մեքենա, 11 ոստիկան և 4 քննիչ. Լևոն Բարսեղյան

Գյումրիի Ժուռնալիստների «Ասպարեզ» ակումբի նախագահ Լևոն Բարսեղյանին երեկ գիշեր ստորագրությամբ ազատ են արձակել Հատուկ քննչական ծառայությունից։Նա քիչ առաջ իր  ֆեյսբուքյան էջում գրել է, թե ինչի համար էին իրեն ՀՔԾ բերման ենթարկել: Նա, մասնավորապես գրել է. «Պարզվեց՝ ես երեկ հինգ ժամով պատանդ եմ վերցրած եղել երեք ոստիկանական մեքենա, 11 ոստիկան, և 4 քննիչ։ Կամքիս հակառակ։ Ինձ փախցրին ժամը 17:30-ին Գյումրու կայարանից, տարան Վանաձոր, հետո Դիլիջան, ընթացքում գյումրեցի ոստիկանները ցուցումներ էին ստանում ուղեկցող մեքենաների ոստիկաններից, կասկած ունեմ, որ ուղեկցող ոստիկանները վախենում էին գյումրեցի ոստիկաններին ասել վերջնակետը, որ հանկարծ համաքաղաքացիական հիմքով ինձ մի տեղ ազատ չարձակեն: Հետո տարան Սևան եւ մայրուղիով՝ ՀՔԾ։ Ոստիկաններին ասի՝ Նիկոլի մարշի կրկնությամբ պատիվ արիք ինձ։ Խնդացին։ Բոլոր պատանդներս բացառիկ հարգալից էին։ Մեղադրանքը կայֆ էր (225-1-2, 225-պ). ես որ ասել եմ «մեզ դիմակայություն է սպասվում, պատրաստ եղեք պայքարի, կռվի եւ անձնազոհության, …» (14.04.2018, ֆրանս հրապ), ուրեմն հենց այդով զանգվածային անկարգություններ եմ կազմակերպել։ Ու իբր քյարփինջ եմ նետել ոստիկանների վրա։ Պատկերացնու՞մ եք, ես մարդու վրա քյարփինջ նետեմ ու էդ մարդը ողջ մնա։ Չեմ նետել ու չեմ նետելու իհարկե»,- գրել է Լևոն Բարսեղյանը իր ֆեյսբուքյան էջում: