Ձեր արյունը ժողովրդի մեջ է, ոչ թե պագոնների.Կարեն Արայան
Հակաիշխանական խաղաղ հանրահավաքին ընդդեմ Սերժ Սարգսյանի ելույթի խոսքով հանդես եկավ նկարիչ Կարեն Արայանը եւ դիմեց ոստիկաններին: «Ես ունեմ հստակ պատճառներ այստեղ գտնվելու,ինչպես յուրաքանչյուրը :Կան մարդիկ, ովքեր մեզ հիմա եթերով են նայում ու ոչ պակաս խնդիրներ ունեն եւ պատճառներ՝ այստեղ գտնվելու, ուղղակի եկեք այստեղ: Ես ուզում եմ իմ խոսքն ուղղել ՀՀ ոստիկանությանը: Դուք բոլորից լավ գիտեք, որ ժողովրդի կողմն անցնելով՝ մի քանի ժամվա ընթացքում վերջ կդնենք մեր, ձեր, բոլորի գլխին կուտակված տարիների պրոբլեմներին: Արեք այդ քայլը եւ դարձեք ժողովրդի սրտում հերոս: Խնդրում եմ՝ յուրաքանչյուրդ ձեր մեջ մի պահ մտածեք՝ հինգ կամ 10 տարի հետո ձեր ժառանգների համար ո՞րն ավելի կարեւոր կլինի՝ որ այսօր մեր դե՞մ եք, թե մեր կողմ: Ոստիկաններ, դուք ժողովրդից եք դուրս եկել: Մինչեւ ոստիկան դառնալը դուք այստեղ ներկաների հետ խաղացել եք ձեր բակում: Ձեր արյունը ժողովրդի մեջ է, ոչ թե պագոնների»,- ասաց նա:
Հետևեք մեզ Viber-ում
