«Սասնա ծռեր» 2-ի նիստի օրը հայտնի է
«Սասնա ծռեր» 2-ի՝ Արամ Մանուկյանի եւ գործով անցնող եւս 10 անձի վերաբերյալ դատական նիստն տեղի կունենա ապրիլի 20-ին: Այս մասին տեղեկանում ենք «Դատալեքս» տեղեկատվական համակարգից: Գործով դատական նիստն տեղի կունենա Երեւան քաղաքի ընդհանուր իրավասության դատարանի Շենգավթի նստավայրում: Այն մակագրվել էր Երեւան քաղաքի դատարանի դատավոր Արշակ Վարդանյանին: Մինչ այդ՝ հոկտեմբերի վերջից, գործը գտնվում էր դատավոր Արթուր Օհանյանի վարույթում: Մարտի 14-ին, սակայն, նրա լիազորությունները դադարեցվել էին, քանի որ դատավորի պաշտոնում նշանակմանը խոչընդոտող հիվանդություն էր ձեռք բերել: Այս գործով արդեն երրորդ դատավորն է նշանակվում: Մինչ Արթուր Օհանյանին գործը մակագրվելը, այն քննվում էր դատավոր Արտուշ Գաբրիելյանի վարույթում: Նա էլ երկու մասի բաժանված գործը որոշեց բաժանել երեք մասի:
Հետևեք մեզ Viber-ում
