«Պարոն Օսիպյան, արդեն հոգնել ենք ձեզնից». ցուցարարը՝ Օսիպյանին

Ֆրանսիայի հրապարակում` դիմելով Երևանի փոխոստիկանապետ Վալերի Օսիպյանին,   ցուցարար մի աղջիկ, որը փորձում էր   ճշտել, թե ինչ է տեղի ունենում ,ասաց.«Պարոն Օսիպյան, արդեն հոգնել ենք ձեզնից։ Ձեզ «Սասնա ծռերը» չսպանեցին, չէ՞, հիշո՞ւմ եք, խնայեցին, որ հիմա մեր դեմ կռվեք»: Օսիպյանը հետաքրքրվեց, թե նա ով է, ի պատասխան՝ աղջիկն ասաց, որ արժանապատիվ քաղաքացի է։ Ոստիկանական մեքենաների մոտից հեռացրին լրագրողներին, հետո փորձեցին բերման ենթարկել այդ աղջկան, բայց չհաջողվեց։ Նիկոլ Փաշինյանը մյուս ցուցարարների հետ շարունակում է երթը։