aravot.am-ը գրում է, որ քիչ առաջ, Երեւանում, Մաշտոցի պողոտա-Թումանյան խաչմերուկում միջադեպ է գրանցվել, քաղաքացիական հագուստով ինչ-որ անձանց, ոստիկանների եւ ցուցարարների միջեւ:
Այդ վայրում են նաեւ Factor TV-ի խմբագիր Արեւիկ Սահակյանը, իրավապաշտպան Ավետիք Իշխանյանը: Արեւիկ Սահակյանն ահազանգում է, որ երիտասարդներից մեկը փորձել է խլել իր հեռախոսը: Նրա խոսքերով, քաղաքացիական հագուստով այդ անձինք, ովքեր հարձակվել են`սադրիչներ էին:
Ավետիք Իշխանյանն էլ ասաց, որ տեղյակ չէ, թե ինչ է կատարվում, ուղղակի լսել է, որ բախումներ են եղել:
Բավական լարված իրավիճակ է, դեռ անհասկանալի է, թե ինչպե՞ս եւ ինչո՞ւ է սկսվել ամենը: Ականատեսներից մեկը պատմում է, որ 10-15 ոստիկաններ հարձակվել էին մի քաղաքացու վրա եւ հարվածում էին նրան մահակներով: Հավաքվածները պնդում են, որ ոստիկանները ժողովրդի վրա են հարձակվել: Շտապ օգնության մեքենաներ են մոտենում դեպք վայր: Հավաքված երիտասարդները միմյանց հորդորում են`հանգիստ մնալ, սադրանքների չտրվել:
Ականատեսներից մեկն էլ պատմում է, որ երբ ինքն ուզում էր արդեն տուն գնալ, հայտնվում է մի «կեղծ լրատվամիջոց» եւ սկսում մեղադրել ցուցարարերին:
«Մենք քիչ առաջ դադարեցրեցինք մեր ուղիղ հեռարձակումը»,- պատմում է Արեւիկ Սահակյանը`հավելելով, որ արդեն պատրաստվում էին բոլոր աշխատակիցներին տուն ուղարկել, բայց ձայներ են լսում: Factor TV-ի գրասենյակը Ֆրանսիայի հրապարակի մոտակայքում է: «Վազեցի`իջա ներքեւ`տեսնենք, թե ինչ է կատարվում»,- ասաց Արեւիկ Սահակյանը: Այդ ընթացքում որոշ մարդիկ սկսեցին սուլել, ծափահարել, հեգնական արտահայտություններ անել`թույլ չտալով լրագրողին շարունակել պատմել`թե ի՞նչ է տեսել: «Այս լուսաֆորը փորձում էին տապալել…»,- Արեւիկ Սահակյանի բացատրությունները դարձյալ կիսատ մնացին: Մի երիտասարդ էլ փորձում էր համոզել`«մեր համար ենք արել, հեղափոխություն ենք անում»:
Ավետիք Իշխանյանն էլ հավաքվածներին հորդորեց` հանրահավաքների կազմակերպիչ Նիկոլ Փաշինյանի հորդորին հետեւել`գնալ տուն եւ վաղն առավոտյան հավաքվել:
Ամբողջությամբ՝ aravot.am կայքում:
Հունիսի 26-ին՝ ժամը 13։00-ին, Հայելի ակումբի հյուրն է Աշոտ Անդրեասյանը
Հունիսի 26-ին՝ ժամը 12։00-ին, Հայելի ակումբի հյուրն է «Ժառանգություն» կուսակցության առաջնորդ Րաֆֆի Հովհաննիսյանը
Հունիսի 25-ին՝ ժամը 14։00-ին, Հայելի ակումբի հյուրն է Կարինե Նալչաջյանը
Հունիսի 25-ին՝ ժամը 12։00-ին, Հայելի ակումբի հյուրն է Վիգեն Հակոբյանը
Հունիսի 25-ին՝ ժամը 10։30-ին, Հայելի ակումբի հյուրն է Էդիկ Անդրեասյանը
Հունիսի 24-ին՝ ժամը 11։30-ին, Հայելի ակումբի հյուրն է Դերենիկ Մալխասյանը
Հունիսի 24-ին՝ ժամը 10։30-ին, Հայելի ակումբի հյուրն է Հովհաննես Իշխանյանը
Հունիսի 24-ին՝ ժամը 13։00-ին, Հայելի ակումբի հյուրն է Անաստաս Իսրայելյանը
Հունիսի 24-ին՝ ժամը 14։00-ին, Հայելի ակումբի հյուրն է Նարե Սոսեն
Հունիսի 24-ին՝ ժամը 12։00-ին, Հայելի ակումբի հյուրն է ազատամարտիկ Դավիթ Մկրտչյանը
Հետևեք մեզ Viber-ում
