«Մարտի 1-ին Ռոբերտ Քոչարյանն իր պաշտոնավարման վերջին օրերի մեծագույն հանցագործությունը կատարեց». Պարույր Հայրիկյան (video)
ԱԻՄ առաջնորդ Պարույր Հայրիկյանի կարծիքով կարող է ոչ ոք փողոց դուրս չգալ, բայց հնարավոր է 2 օրում հավաքել 200 հազար ստորագրություն, և իշխանությանը գցել փակուղի: Հարցին՝ ինչպե՞ս է հնարավոր, որ ժողովուրդը հաղթահարի վախի մթնոլորտն ու կարողանա համախմբվել ընդդիմության կողքին, Հայրիկյանը պատասխանեց.«Մարտի 1-ին նախորդած օրերը պատմության մեջ մնացին, որպես Ռոբերտ Քոչարյանի կառավարման վերջին օրերի հանցագործություն:Այսօր բոլոր նրանք, ովքեր պատասխանատվությունը կվերցնեն իրենց ձեռքը, պետք է այնպես անեն, որ որևէ գործողություն ի նպաստ հակառակորդի չլինի»: ԱԻՄ առաջնորդը հիշեց «Սասնա ծռերի» գործողությունների ժամանակ,ըստ նրա կատարված թյուրիմացությունը. «Այդ օրերին մտավախությունս մեկն էր՝ «Սասնա ծռերին» չգնդակահարեն: Բայց, երբ տեսա, որ իրադրությունը լարվում է, դիմեցի քաղաքացիներին, ասելով՝ այսօր գնում ենք տուն, որպեսզի արյունահեղություն չլինի, և մենք հաջորդ օրը նորից կհավաքվենք: Այդպես էլ պայմանավորվեցինք, բայց հետո սկսեցին խոսել, որ Հայրիկյանը բոլորին տուն է ուղարկել»: Պարույր Հայրիկյանը կարևորում է, որ ժողովուրդը հասկանա, թե հանուն ինչի է համախմբվում: Առավել մանրամասն՝ տեսանյութում.
Հետևեք մեզ Viber-ում
