Գագիկ Ծառուկյանի գլխավորությամբ տեղի է ունենալու խմբակցության նիստ

««Բարգավաճ Հայաստան» կուսակցության անդամները լուրջ քննարկման են նախապատրաստվում: Գագիկ Ծառուկյանի գլխավորությամբ առաջիկա մեկ-երկու օրվա ընթացքում տեղի է ունենալու խմբակցության նիստ, որտեղ քննարկվելու է վարչապետի հարցը: Այս մասին «ՀԺ»-ին տեղեկացրել է խմբակցության պատգամավոր Իվետա Տոնոյանը: «Նա ևս մեկ անգամ շեշտել է, որ Ծառուկյան դաշինքը վարչապետի թեկնածու չի առաջադրելու: Քննարկման թեման լինելու է այն, թե ինչպե՞ս են քվեարկելու վարչապետի թեկնածու Սերժ Սարգսյանին: Մինչ այս ԲՀԿ-ական առանձին պատգամավորներ համարձակվել են հայտարարելու, որ իրենք ընդդիմություն են և եթե կողմ քվեարկեն Սարգսյանին, ապա դա ընդդիմության կեցվածք չի լինի: Խմբակցության պատգամավորներից մեկը մեր թղթակցի հետ զրույցում ասել է, որ մինչև Գագիկ Ծառուկյանի հետ հանդիպումը կարող են իրենց թույլ տալ չափավոր կարծիքներ հայտնել: Հարցին՝ ցանկություն կա՞ ՀՀԿ-ի հետ կոալիցիա կազմել, պատգամավորը նշել է, որ խմբակցությունում առանձին անձինք կան, որ երկու ձեռքով կողմ են: Ըստ մեր աղբյուրի, իշխանատենչների կողքին նաև ընդդիմադիրներ կան, որոնց սրտով չէ այդ գործարքի մեջ մտնելը», - գրում է թերթը: