Ինչո՞ւ են հիմա կալանավորվում Աբդուլլահ Գյուլին մոտ կանգնած մարդիկ

Cumhuriyet թերթի փոխանցմամբ՝ ընդդիմադիր «Ժողովրդա-հանրապետական» կուսակցության (ԺՀԿ) Բալըքեսիրից ընտրված պատգամավոր Մեհմեթ Թեմը լրագրողների հետ զրույցում մեկնաբանել է ընդդիմադիր Zaman թերթի շուրջ ծավալվող վերջին զարգացումները: «Արդարություն ու զարգացում» կուսակցությունը շարունակում է համառորեն աշխատել նոր թշնամիներ փնտրելու ուղղությամբ և ցանկանում է հասարակությանը համոզել թշնամիների առկայության մասին։ Իշխանությունը պահելու համար մեկը մյուսի հետևից հատուկ գործողություններ են իրականացվում, որոնք իբրև թե ուղղված են «զուգահեռ կառույցի» (գյուլենականների) դեմ։ Zaman թերթի շուրջ սկսած վերջին զարգացումները ցույց են տալիս, որ երեկ եղբայր անվանվողները ձերբակալում, կալանավորում են 11-րդ նախագահ Աբդուլլահ Գյուլին մոտ կանգնած անձանց։ Դրա ամենավառ օրինակներից մեկը Քայսերիում Բոյդաք ընտանիքի անդամներին կալանավորելն է (Աբդուլլահ Գյուլը սերում է Քայսերիից)։ Եթե Բոյդաք ընտանիքն աջակցում էր ահաբեկչական կազմակերպությանը, ապա մինչև հիմա ո՞ւմ էիք սպասում, ինչո՞ւ անհրաժեշտ միջոցներ չէիք ձեռնարկում։ Թե այդ ամենն ի հայտ եկավ Աբդուլլահ Գյուլի հետ տարակարծությունների ֆոնին։ Այստեղից հարց եմ հղում կառավարությանը։ Նոր զուգահեռ կառույց ասելով նկատի ունե՞ք Աբդուլլահ Գյուլին ու նրա մերձավորներին»։ Օրեր առաջ հաղորդվել էր, որ Թուրքիայում ձերբակալվել են հայտնի Boydak հոլդինգի ղեկավար կազմի 4 խոշոր գործարարներ` հոլդինգի նախագահը և ղեկավար կազմից երեք խոշոր գործարար, որոնք մեղադրվում են Ֆեթուլլահ Գյուլենի շարժմանը ֆինանսական աջակցություն ցուցաբերելու համար։