«Մշակույթը չի կարելի գնահատել կոչումներով կամ էլ պարգևատրումներով». Ռուբեն Բաբայան (video)

Ռեժիսոր Ռուբեն Բաբայանը դժվարացավ միանշանական գնահատական տալ Սերժ Սարգսյանի կառավարման անցած տասը տարիներին վարած մշակութային քաղաքականությանը. «Վերջին տասնամյակում մշակութային տարբեր քաղաքականություն է վարվել, ելնելով նրանից, որ եղել են տարբեր վարչապետեր: Բայց մի բան հստակ է՝ որևէ նախագահ, կամ էլ վարչապետ, չեն կարող տաղանդավոր մարդ ծնել»: Բաբայանի խոսքով՝ տաղանդը ի վերուստ տրված մշտական շնորհք չէ, և այն կարող է պետքական լինել՝ մեկին մեկ տարի, մյուսին՝ տասը տարի: Ռեժիսորը խոսեց վերջին երկու տարվա ընթացքում մշակութային ոլորտում կատարվող վտանգավոր երևույթից. «Մշակույթը սկսել են ընկալել զուտ որպես ժամանց և դրա օրենքներով է ղեկավարվում այն: Օրինակ, անպայման չի, որ գրական գործը հենց այսօր գտնի իր ընթերցողին, դրա համար ժամանակ է պետք»: Ռուբեն Բաբայանը համոզված է, որ հասարակական դաշտի անհանդուժողոկանությունը կարելի է վերացնել մշակույթի միջոցով: Մանրամասները՝ տեսանյութում.