Կարեն Կարապետյանի առաջարկն ընդունվել է միաձայն. ով է ՀՀԿ թեկնածուն
Քիչ առաջ ավարտվեց ՀՀԿ ԳՄ նիստը: ՀՀԿ խոսնակ Էդուարդ Շարմազանովը լրագրողների հետ ճեպազրույցում, ամփոփելով նիստն, ասաց, որ ՀՀԿ վարչապետի թեկնածուն Սերժ Սարգսյանն է, և Կարեն Կարապետյանի առաջարկն ընդունվել է միաձայն: «Նիստի ընթացքում ամփոփել են նախագահ Սարգսյանի 10 տարվա վերաբերյալ: Այդ տարիները բարդ, բայց պետականաշինության տարիներ են եղել: Այսօր վերջապես ինստիտուցոնալ առումով ՀՀԿ-ն սկսեց քննարկումները ապագա վարչապետի հետ կապված: Դրանք գնացին համերաշխության մթնոլորտում:ՀՀԿ-ականներն ընդունեցին այն առաջարկը, որը արվել էր նախօրեին: Կարծում եմ պարզ է, որ է մեր թեկնածուն Սերժ Սարգսյանն է: Կարեն Կարապետյանի առաջարկը ընդունվել է մեր կողմից, պարզապես, որ խորհրդի նիստ չի եղել ճիշտ չի անունը հիմա տալ»,- ասաց նա եւ տեղեկացրեց, որ վարչապետի անունը կհայտարարեն խորհրդի նիստում:
Հետևեք մեզ Viber-ում
