Ավելի շատ նեղվեցին Ելք-ի պատգամավորները
Այսօր «Առևտրի և ծառայությունների մասին» օրենքում փոփոխություններ կատարելու մասին օրինագծի քննարկման ժամանակ ընդդիմադիր պատգամավորներ Արարատ Միրզոյանն ու Լենա Նազարյանը հրավառություն կազմակերպեցին ԱԺ ամբիոնից:Ավելի ուշ Մանե Թանդիլյանը, դուրս գալով ԱԺ դահլիճից, հայտարարեց, որ այդ քայլը գործընկերային չէ.«Մենք դահլիճում չպետք է անակնկալի գայինք: մենք գործընկերներ ենք եւ լավ կլիներ, որ դա քննարկվեր գործընկերների հետ: Իսկ սա գործընկերային վերաբերմունք չէ»: Ինչպես ասաց՝ դահլիճում հեգնական արտահայտություններ հնչեցին ու ինքը գործընկեր պատգամավորներին կոչ է արել չհեգնել ու հարգանքով մոտենալ։ Եթե տեղյակ լինեին, կմիանայի՞ն այդ ակցիային, Թանդիլյանն ասաց․ «Ես այդ հարցին կպատասխանեմ ապրիլի 18-ից հետո, իսկ այժմ որեւէ մեկնաբանություն չունեմ»։ Լուսավոր Հայաստան կուսակցության ներկայացուցիչ Գեւորգ Գորգիսյանն էլ ողջ ընթացքում թաշկինակով փակեց քիթը եւ հորդորեց բացել դահլիճի դռները, որպեսզի ծուխն անցնի: Այնուհետև Գորիգիսյանն առաջարկեց ընդմիջում վերցնել:
Հետևեք մեզ Viber-ում
