Մոսկվայում երեխաներ գողացող եւ փրկագին պահանջող հայազգի նախկին օրենքով գողը ձերբակալվել է

56-ամյա հայ, նախկինում օրենքով գող Վարդան Ասատրյանը, կրիմինալ աշխարհում ավելի հայտնի Բջե մականունով Մոսկվայում ձերբակալվել է  : Նա  մեղադրվում է խոշոր չափի թմրանյութի անօրինական շրջանառության մեջ:Այս մասի հայտնում է  «Պրայմ Կրայմ» լրատվական գործակալությունը: Անձնական խուզարկությամբ Վարդան Ասատրյանի  մոտ հայտնաբերվել է 15 գրամ հերոյին տեսակի թմրանյութ: Եթե Ասատրյանի մեղադրանքը հաստատվի՝ նրան սպառնում է 10 տարի ազատազրկում: Բջեյին 2008 թվականին թագից զրկել է անձամբ կրիմինալ աշխարհի գեներալ Դեդ Հասանը, Բջեի կողմից երեխաներ գողանալու եւ փրկագին պահանջելու պատճառով: Հասանի մահից հետո Ասատրյանը բազմիցս փորձել է վերականգնել իր ստատուսը՝ անհամաձայնություն հայտնելով Դեդի կայացրած որոշման վերաբերյալ: Սակայն դրան կտրականապես դեմ է արտահայտվել կրիմինալ աշխարհի մեկ այլ լիդեր Սերգեյ Ասատրյանը՝ Սերգեյ Բենթլին, որը մի քանի այլ գողերի ներկայությամբ ծեծի է ենթարկել Բջեին: Կա հստակ տեղեկություն, որ Բջեն «գողականների դելեգացիայի» կազմում մասնակցել է Շաքրո Մալոդոյի կողմից 2015 թվականին Երեւանում կազմակերպված գողական սխոդկային:  Սակայն դրանից հետո անգամ նրա գողական կարգավիճակը մնացել է անփոփոխ՝ «թագազուրկ գողական»: