« Սերժ Սարգսյանը կարա կուսակցությանը չենթարկվի՞, էդ ո՞նց եղավ». Սեյրան Սարոյան

«Գիտենք, որ չի լինի ոչ մի բան: Ես մեր ժողովրդին լավ եմ ճանաչում»,-   լրագրողների հետ զրույցում ԱԺ ՀՀԿ-ական պատգամավոր, գեներալ Սեյրան Սարոյանն անդրադարձավ ԱԺ «Ելք» խմբակցության ղեկավար Նիկոլ Փաշինյանի «Իմ քայլը» նախաձեռնությանը: «Ոնց  ՝ սաղ, նենց էլ՝ ես: Ա, ո՞վ կարա փակի, ո՞վ ա գալու փակի, ինչի՞ մասին եք խոսում: Էրեխեք մեկ-մեկ ընկնում եք երազանքների գիրկը, այ տնաշեններ: Ըտենց բան չի կարա լինի, ժողովուրդը չի հելնելու, ժողովրդին խաբել չի լինում, ժողովրդին ավելի շատ հետաքրքրում է իր ապրելակերպը, իր անվտանգությունը, հերիք ա, էդ ժողովուրդը մեղք ա, հա՞: Ասենք, որ եկան փակին ո՞վ ա գալու վլաստի, Նիկո՞լը, հա՞: Ի՞նչ ա փոխվելու, հենա նորմալ էթում ենք առաջ, էլի: Այ մարդ, ես Նիկոլի դեմ բան չունեմ ասելու, նորմալ տղա ա, իրա գործն ա անում, շուխուր ա, թող անի էլի: Պիտի շուխուր ըլներ չէ՞: Հիմա որ մուզիկ էղնի, թմբուկ-մբուկ չեղնի, տենց կեղնի՞»,-հարցին ,թե ի՞նչ եք անելու, երբ մարդիկ Նիկոլ Փաշինյանի կոչով ԱԺ մուտքերը փակեն, որպեսզի պատգամավորները չկարողանան ներս մտնել ,պատասխանեց Սարոյանը: «Ժողովրդի ու կուսակցության պահանջ կա Ինչի՞, Սերժ Սարգսյանը կարա կուսակցությանը չենթարկվի՞, էդ ո՞նց եղավ: Այսինքն՝ բոլոր կուսակցության անդամները կարան կուսակցության որոշումներին ենթարկվեն, Սերժ Սարգսյանը կարա չենթարկվի՞: Հանրապետականին ժողովուրդն ա չէ՞ ընտրել, դե թող էթային Նիկոլին ընտրեին: Կգա ժամանակ, որ կզգան Նիկոլի կարիքը կա, կարողա Նիկոլին ընտրեն: Հիմա, իհարկե, նրա կարիքը չկա: Անվտանգության խնդիր կա, էն, որ ժողովուրդն ա զգում իրա մաշկի վրա, ոչ մեկ չի կարա զգա, նենց որ, հանգիստ եղեք»,-Սերժ Սարգսյանի նախկին հայտարարության մասին, թե չի հավակնի վարչապետի պաշտոնին ,անդրադառնալով ասաց գեներալ պատգամավորը: