Սերժ Սարգսյանի տեղը թոշակառուների բազկաթոռն է մինչեւ կկանչեն հարցաքննության. Լ. Բարսեղյան

Երեկ Ազատության հրապարակում «ՄերժիրՍերժին» նախաձեռնության հանրահավաքը վարում էր Ժուռնալիստների «Ասպարեզ» ակումբի նախագահ Լեւոն Բարսեղյանը: Նա Հայկական Ժամանակի հարցերին պատասխանել է մինչեւ հանրահավաքի մեկնարկը: - Պարոն Բարսեղյան, դուք ձեր բազմաթիվ հարցազրույցներում նշել եք, որ Սերժ Սարգսյանի դեմ պայքարելու իսկական ժամանակը հիմա է, երբ նա ոչ մի պաշտոն չի զբաղեցնում, բայց ընդդիմության հրավիրած հանրահավաքներում մարդկանց քանակը գնալով պակասում է, արդյո՞ք դա ավելի վատին չի տանում: -Ես ասել եմ, որ սա շատ հարմար առիթ է՝ պայքարը սրելու համար, թե չէ ընդհանրապես որեւէ օր չի դադարել այդ պայքարը այն մարդկանց կողմից, ովքեր գտել են, որ այդպես էլ կա: Դժվարանում եմ ասել, ինձ թվում է չի պակասում, ես կարծում եմ, որ ամեն մեկը պետք է իր բողոքը փորձի տեղ հասցնել: Եթե պարզվի, որ փոքրաթիվ է բողոքողների թիվը, ինչ անենք, ամեն մեկն ուզում է, որ իր տեղը պատասխան տա, ոչ ոք չի ուզում ստանձնի մի սցենարի պատասխանատվություն, որ երաշխավորի, թե հավաքվելու է այսքան հազար մարդ: Կոնկրետ ես իմ տեղն եմ պատասխանատու, քաղաքական ուժերն ունեն մտածելու բան, այն ուժերը, որոնք որեւէ կերպ չեն բողոքում, ուրեմն բողոք չունեն: - Դուք դիմե՞լ եք քաղաքական ուժերին, որպեսզի միասնաբար պայքարեն Սերժ Սարգսյանի դեմ: - «ՄերժիրՍերժին» քաղաքացիական նախաձեռնության կողմից այդ կոչը եղել է, այսօր նորից կվերընթերցվի այդ կոչը: Իմ լրացումն այդ կոչերին եղել է այն, որ մնացած հարցերով ձեր վեճերը թողեք մի կողմ: - Ամեն ինչ տանում է նրան, որ ՀՀԿ-ն վարչապետի պաշտոնում առաջադրելու է Սերժ Սարգսյանին, այլ տարբերակ հնարավո՞ր է: - Մի սցենարն այն է, որ Սերժ Սարգսյանը քաշելու է իր հավատավորներին. մի 10 հոգի է պնդել, թե Սերժ Սարգսյանն անփոխարինելի է, առանց նրա կյանք չկա: Մյուսների ձայնը դուրս չի եկել, նրանք կամ խորամանկ են, կամ շատ խելացի են, չի բացառվում, որ Սերժ Սարգսյանն անակնկալ մատուցի հատկապես այդ 10 հոգուն, ովքեր երդվում են իր անունով: Մանրամասն՝Հայկական Ժամանակի այսօրվա համարում