Սա ՀՀԿ-ի կողմից արված ընտրություն էր, ոչ թե համաժողովրդական ընտրություն
Այսօր Արմեն Սարգսյանի երդմնակալության արարողությունից հետո Րաֆֆի Հովհաննիսյանը, պատասխանելով լրագրողների հարցերին , նշեց. «Հինգ տարի առաջ այս օրն ունեցանք զույգ երդմնակալություն՝ մեկը հրապարակում, մյուսն՝ այստեղ: Հինգ տարի անց ունենք կեղծիքի վրա հիմնված նոր ընտրակարգ, սակայն, ես այսօր շնորհավորում եմ Արմեն Սարգսյանին»: Րաֆֆի Հովհաննիսյանը նշեց, որ սա Հայաստանի Հանրապետական կուսակցության կողմից արված ընտրություն էր, ոչ թե համաժողովրդական ընտրություն: «Բարի գալուստ ենք ասում Արմեն Սարգսյանին, սա նոր սկիզբ է, իրեն վատը չպետք է մաղթենք, այլ բարին մաղթենք: Պետք է հույս տածենք, որ կկարողանա իր առաջարկներով, փորձով կամաց-կամաց բերել ազատ, արդար, անկախ, ստեղծագործ նոր Հայաստանի սկիզբը, որի համար մեր ժողովուրդը պայքարեց ոչ միայն հինգ տարի առաջ, այլ վերջին 25 տարիների ընթացքում: Ես կարող եմ կարծել, որ Արմեն Սարգսյանը լեգիտիմ նախագահ է»,-ասաց նա: Նա նշեց, որ «Ելք» դաշինքը Արմեն Սարգսյանի փաստաթղթերի հետ կապված հարցեր բարձրացրեց, որոնք տրամաբանական էին:
Հետևեք մեզ Viber-ում
