Նոր Հայաստանի սկզբի սպասումներով

«Արմեն Սարգսյանը լեգիտիմ նախագահ է։ Սա նոր ընտրակարգ է՝ խորհրդարանի կողմից Հանրապետական կուսակցության կողմից, նշանակում չասեմ, բայց ընտրություն էր։ Սա համաժողովրդական ընտրություն չէր։ Սա լրիվ տարբեր էր նախորդ ընտրություններից։ Եվ հիմա մենք Արմեն Սարգսյանին ասում ենք՝ բարի գալուստ։ Իրեն վատը չպիտի մաղթենք:Սարգսյանը իր փորձով ու առաջարկներով «կբերի նոր Հայաստանի սկիզբը»», -«Ժառանգություն» կուսակցության հիմնադիր Րաֆֆի Հովհաննիսյանը,ով մասնակցում էր Հայաստանի նորընտիր նախագահի երդմնակալության արարողությանը, լրագրողների հետ ճեպազրույցում  հայտարարեց, որ Արմեն Սարգսյանը լեգիտիմ նախագահ է։ Ընդդիմադիր գործիչը հայտարարեց նաև, որ Արմեն Սարգսյանի փաստաթղթերի հետ կապված կասկածներ չպետք է լինեն, քանզի խորհրդարանում «Ելք» դաշինքը «արդարացված» հարցեր էր բարձրացնում, որին Սարգսյանը պատասխանում էր։