Երևանում բախվել են Opel-ը, Mercedes-ն ու 06-ը

Այսօր՝ ապրիլի 8-ին, շղթայական ավտովթար է տեղի ունեցել Երևանում: Ժամը 10:30-ի սահմաններում Մալաթիա-Սեբաստիա վարչական շրջանի Մանուկյան և Ծերենցի փողոցների խաչմերուկում բախվել են Opel մակնիշի 34 DC 234 համարանիշի, Mercedes մակնիշի 77 AV 277 համարանիշի և ВАЗ 2106 մակնիշի 24 ՏՏ 098 համարանիշի ավտոմեքենաները: Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 06-ը բախվել է շինության պատին, իսկ նրա վարորդին քաղաքացիների օգնությամբ տեղափոխել են Աստղիկ բժշկական կենտրոն: Դեպքի վայր են ժամանել Ճանապհային ոստիկանության 1-ին սպայական գումարտակի 5-րդ դասակի ավագ տեսուչ Զոհրաբ Գալստյանն ու տեսուչ Գարուշ Հովհաննիսյանը: Վիրավորին առաջինը օգնության են հասել քաղաքացիները և նրան հիվանդանոց է տեղափոխել շտապօգնության հերթապահ խումբը: Վթարի մասին Երևանի ՃՈ օպերատիվ կառավարման կենտրոնի պատասխանոտւ հերթապահ Կարեն Գյուլումյանը տեղեկությունը փոխանցել է Ճանապարհային Ոստիկանության ճանապարհատրանսպորտային պատահարների գործերով հետաքննության և վարչական վարույթի իրականացման բաժանմունք, որտեղից ժամանել է հերթապահ խումբը՝ բաժանմունքի պետ Ալբերտ Նազարյանի և ավագ հետաքննիչ Անդրանիկ Իսախանյանի գլխավորությամբ, ում կողմից փաստի առթիվ նյութեր են նախապատրաստվում: Ճանապարհային ոստիկանությունն ու հետաքննչական բաժանմունքը պարզում են վարորդների ինքնությունը Վթարի վայրի հարևանությամբ բնակվողները ասում էին, որ նշված հատվածում հաճախակի են լինում նմանատիպ վթարեր, քանի որ ճանապարհային ոչ մի նշան տեղադրված չէ և որպես լուծում առաջարկում են որպեսզի պատկան մարմինները այս փողոցում արհեստական խոչընդոտ սարքեն, ինչի շնորհիվ վթարերը մասամբ կնվազեն: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: