«Ռուսաստանից գնված զենքերը եղել են թերություններով. Ալիևն արժանացել է սուր քննադատության ». Արտյոմ Տոնոյան (արևելագետ) (video)

Արևելագետ Արտյոմ Տոնոյանը այսօր լրագրողների հետ հանդիպմանը, խոսելով Ադրբեջանի անցկացրած զորավարժություններից, նշեց. «Ադրբեջանական մամուլում էլ մենք տեսանք, որ այդ զորավարժությունները մեծամասամբ կապում էին ներքին լսարանին ինչ-որ բան ցույց տալու հետ: Սա Ալիևի քարոզարշավի մի մասն էր կազմում»: Արևելագետը նաև անդրադարձավ Ադրբեջանին վաճառած ռուսական զենքերի շուրջ տարածված սկանդալին. «Ինչպես գիտեք, վերջերս լրատվական սկանդալ տեղի ունեցավ, ըստ որի՝ Ադրբեջանի կողմից Ռուսաստանից գնված զենքերը բավական թերություններով են, եղել են նաև որոշակի զինատեսակներ, որոնք իրենց գործառույթն ապրիլյան պատերազմի ժամանակ չեն կատարել: Ադրբեջանում շատ ընդդիմադիրներ դեմ են ՌԴ-ից զենքերի գնմանը, և Ալիևը սուր քննադատության է արժանացել»: Մանրամասները՝ տեսանյութում.