Բժիշկները՝Սերգեյ Սկրիպալի վիճակի մասին
«Գլխավոր հետախուզական վարչության նախկին գնդապետ Սերգեյ Սկրիպալը դուրս է եկել կրիտիկական վիճակից ու առողջությունն արագորեն վերականգնում է: Նա լավ է արձագանքում բուժմանը, նրա վիճակը արագորեն բարելավվում է, նրա վիճակն այլևս կրիտիկական չէ»,-ըստ ՌԻԱ Նովոստիի, այս մասին պատմել է Սոլսբերիի հիվանդանոցի ներկայացուցիչ Կրիստինա Բլանշարդը: Նա հավելել է, որ այլ մանրամասներ հաղորդել չի կարող: Նշվում է, որ նախօրեին բրիտանական ոստիկանությունը հրապարակել է Յուլիա Սկրիպալի՝ Գլխավոր հետախուզական վարչության նախկին աշխատակցի դստեր, հայտարարությունը: Նա պատմել է, որ ավելի քան մեկ շաբաթ առաջ ուշքի է եկել և օրեցօր իրեն էլ ավելի լավ է զգում: Սոլսբերիում միջադեպը երիտասարդ կինը անվանել է «մոլորեցնող»: Երբ ռուսաստանցի կնոջը կկարողանան դուրս գրել հիվանդանոցից, հայտնի չէ: «Ցանկացած սպեկուլյացիաներ ամսաթվի վերաբերյալ մնում են սպեկուլյացիաներ: Ներկայումս Յուլիա Սկրիպալը խնդրել է հարգել իր մասնավոր կյանքը այն ժամանակվա ընթացքում, քանի դեռ ինքը կազդուրվում է: Ես կցանկանայի կոչ անել ԶԼՄ-ներին հարգել դա»,- ասել է Սոլսբերիի շրջանային հիվանդանոցի ներկայացուցիչ Կրիստինա Բլանշարդը:
Հետևեք մեզ Viber-ում
