ԵԱՏՄ-ից ՌԴ ավտոմեքենա ներմուծելու գործընթացը կհեշտանա

Ռուսաստանի Դաշնության տարածք Եվրասիական տնտեսական միությունից ավտոմեքենաների ներմուծումը, որոնք գործածության մեջ են մտել մինչև 2017 թվականի հունվարի 1-ը, այսուհետ կլինի առանց արտակարգ ծառայությունների կանչի համակարգերի առկայության: Իսկ նրանց համար ռուսական տեխնիկական անձնագրեր ստանալը հնարավոր կլինի առանց հավելյալ փաստաթղթերի, որոնք պահանջվում էին նախկինում: Ինչպես հայտնում են Եվրասիական տնտեսական հանձնաժողովի մամուլի ծառայությունից, Մաքսային միության «Անիվային տրանսպորտային միջոցների անվտանգության մասին» (ТР ТС 018/2011), տեխնիկական կանոնակարգերում կատարված փոփոխությունների համաձայն 2017 թվականի հունվարի 1-ից ԵԱՏՄ երկրներում բոլոր տրանսպորտային միջոցները պետք է համալրվեն արտակարգ փրկարարական կանչի համակարգերով (սարքերով): Պահանջը վերաբերում է միայն նոր թողարկվող տրանսպորտային միջոցներին: