Վորոնեժում Երևան–Մոսկվա ավտոբուսի վթարից տուժածների առողջական վիճակի մասին

Վորոնեժում Երևան–Մոսկվա ավտոբուսի վթարի հետևանքով տուժած բոլոր քաղաքացիները դուրս են գրվել հիվանդանոցից։ Այս մասին տեղեկանում ենք Ռուսաստանում ՀՀ դեսպանատան ֆեյսբուքյան էջից։ «Ի լրումն Վորոնեժի մարզում վթարի հետևանքով տուժածների մասին նախորդ հաղորդագրությունների՝ հաղորդում ենք, որ ապրիլի 5-ին Վորնեժի մարզում ավտոբուսի վթարի հետևանքով տուժած վերջին քաղաքացին դուրս է գրվել հիվանդանոցից։ Մարտի 20-ին Մոսկվայի ժամանակով 9.00–ին «Դոն» միջպետական ավտոճանապարհի 673-րդ կիլոմետրին ճանապարհատրանսպորտային պատահար էր գրանցվել: Վթարի հետևանքով 3 մարդ է զոհվել, 8 հոգի էլ հոսպիտալացվել էին Վորոնեժի մարզի Պավլովսկի շրջանի հիվանդանոց»,-նշված է հաղորդագրության մեջ։