Վիտալինա Ցիմբալյուկ-Ռոմանովսկայան Ջիգարխանյանին է վերադարձրել սկանդալային բնակարանը

Վիտալինա Ցիմբալյուկ-Ռոմանովսկայան իր նախկին ամուսնուն է վերադարձրել մեծ աղմուկ բարձրացրած բնակարանը: Արմեն Ջիգարխանյանի ընկերոջ՝  Արթուր Սողոմոնյանի խոսքերով‚ դերասանի նախկին կինը նման քայլի գնացել է քրեական պատասխանատվությունից խուսափելու համար:  Այս մասին հաղորդում է Znaminitka.ru-ն: Բնակարանն այդքան էլ մեծ արժեք չունի‚ այն արժե մոտ 4 մլն ռուբլի‚ բայց այն կարևոր է Ջիգարխանյանի համար: Վիտալինան դեռ 2012թ-ից է բնակարանն իր անունով վերանվանել‚ սակայն ամուսնալուծությունից հետո Սողոմոնյանը պահանջել է ետ վերադարձնել այն: Սկզբում Ցիմբալյուկ-Ռոմանովսկայան ասել է, որ վաճառել է գույքը, սակայն հետո պարզվել է, որ դա ճիշտ չէ: Դաշնակահարուհուն քրեական պատասխանատվություն էր սպառնում, այդ իսկ պատճառով նա վախեցել է և վերադարձրել բնակարանը: