«Եթե հրամանատարները զինվորին իրենց երեխու պես վերաբերվեին, նման անփութություն չէինք ունենա». Քննարկում քառօրյայից 2 տարի անց Գուրգեն Եղիազարյան, Սամվել Կարապետյան, Մերուժան Տեր-Գուլանյան, Վովա Վարդանով (video)

10:15 - 6/ապրիլի/2018

Գրող-հրապարակախոս Մերուժան Տեր Գուլանյանը կարծում է , որ ցանկացած պարագայում մեղավոր է հրամանատարը. «Միայն հաղթանակը հրամանատարինը չէ, հրամանատարն է ցանկացած պարագայում գլխավոր պատասխանատուն»: Վովա Վարդանովն էլ նշում է, որ պատերազմում տեխնիկական վրիպումները հանցանք չեն. «Պատասխանատուներին պատժելը լինում է տարբեր ձևերով՝ կոչումի իջեցում, պաշտոնից ժամանակավոր հեռացում, որը պարտադիր չէ, որ բոլորն իմանան»: Վովա Վարդանովը վստահեցնում է, որ ապրիլյան քառօրյային ոչ թե վառելիք չի եղել, այլ խնդիրն այլ տեղում է եղել. «Երկար ժամանակ չօգտագործված տանկերում ջուր է հավաքվել, որն էլ ստեղծել է մի շարք խոչընդոտներ: Բայց դրա համար չի կարելի մարդուն դատել»: Մյուս բանախոս հուշարձանագետ Սամվել Կարապետյանն իր մտահոգությունն արտահայտեց ապրիլյան քառօրյայում թույլ տված սխալների մասին. «Ընդունենք, թե ոչ, մենք դատապարտված են հզորանալու: Եթե մեր հրամանատարները մեր ամեն մի զինվորին իրենց երեխու տեղն ընդունեին, ապա նամանատիպ անփութություն չէինք ունենա»: Գուրգեն Եղիազարյանն էլ նկատեց, որ սխալները գալիս են քառօրյայից առաջ. «Երեք սպա կորցրեցինք, երբ զորավարժությունների ժամանակ ուղղաթիռ կործանվեց: Ո՞ր բթամիտը առանց սպառազինության ուղղաթիռը կթռցներ չեզոք գոտում»: Մանրամասները՝ տեսանյութում.