«Ռուսաստանը խնդիր է լուծում. չմտածեք, որ Ադրբեջանին զենք այլևս չի վաճառելու». Վաղարշակ Հարությունյան (video)

Այսօր Հայելի ակումբում լրագրողների հետ հանդիպմանը Վաղարշակ Հարությունյանն, անդրադառնալով Ռուսաստանի Ադրբեջանին զենք վաճառելուն, նշեց. «Բազմիցս պատասխանել են՝ Ռուսաստանը մեզ տվել է իսկանդեր, որը լուծում է Ադրբեջանի տակտիկական հնարավորությունները»: Վաղարշակ Հարությունյանի խոսքով՝ պետք չէ մտածել, որ, եթե Ռուսաստանն ափսոսանք է հայտնում, որ 2016թ.-ի ապրիլին Ադրբեջանն օգտագործեց իրենից գնված զենքը, դա դեռ չի նշանակում, որ այլևս զենք չեն վաճառելու Ադրբեջանին. «Ռուսաստանն ունի իր նպատակները, իր շահերը: Ռուսաստանը, եթե զենքը վաճառել է, գիտե՞ք ինչքան զինամթերք է տվել»: Եզրափակելով խոսքը՝ բանախոսը նշեց, որ մեր պայքարը Ադրբեջանի դեմ չէ, մեր պայքարը Ադրբեջան-Թուրքիա դաշինքի դեմ է: Մանրամասները՝ տեսանյութում.