Ինչու էր Մարուքյանը «գցել» վերահսկողական մարմիններում ընդդիմության քվոտայի հարցը. «Իրատես»

«Իրատես» թերթը գրում է. «Ասում են, թե մեկ «հավելումով» նոր սերունդ «պատրաստելու» հեռանկարով վարչապետության գնացող Սերժ Սարգսյանի մտքերն առնչվել են ոչ միայն ոսկրացած-անշարժացած ՀՀԿ-ին, այլև մնացյալ քաղաքական ուժերին, այդ թվում՝ խորհրդարանական ընդդիմությանը: Եվ որ Էդմոն Մարուքյանը հենց այնպես չէր «գցել» վերահսկողական և մնացյալ մարմիններում ընդդիմության քվոտայի ապահովման հարցը: Ասում են նաև, թե չի բացառվում, որ ժամանակ անց իշխանությունները գնան նման քայլի, իհարկե` ժողովրդավարական պատրանք, սերնդային «նոր մտածողություն» «սերմանելու» տեսանկյունից, որի գործիքակազմը պետք է լինի ինստիտուցիոնալ-քաղաքակիրթ-կանխատեսելի, այն է` «նորովի» և ոչ փողոցային պայքարը նախընտրող ընդդիմությունը: Ի դեպ, այս մասին խորհրդարանում ակնարկներ էր արել նաև Գևորգ Կոստանյանը: Եվ Մարուքյանի ու Նիկոլի «վեճն» առաջին հերթին այս «գետնին» վրա է»:   Առավել մանրամասն՝ թերթի այսօրվա համարում: