Նոր մանրամասներ Սաշիկ Սարգսյանի որդուն պատկանող ակումբում տեղի ունեցած դանակահարության դեպքից/տեսանյութ/

Ապրիլի 5-ին, ժամը 1.20-ին, ոստիկանության Երևան քաղաքի վարչության օպերատիվ կառավարման կենտրոն ահազանգ է ստացվել, որ Վերնիսաժում վիճաբանություն է: Նույն օրը, ժամը 1.35-ին, հիվանդանոցից ոստիկանության Կենտրոնական բաժին հաղորդում է ստացվել, որ «կրծքավանդակի աջ կեսի, գոտկային կտրած-ծակած արնահոսող վերք» ախտորոշմամբ բուժօգնության է դիմել մի երիտասարդ, ժամը 2.25-ին հիվանդանոցից հաղորդում է ստացվել, որ շտապօգնության խումբը Բյուզանդի փողոցի 1/3 հասցեում գործող ակումբի մոտից «պոլիտրավմա» ախտորոշմամբ բուժօգնության է տեղափոխել ևս 4 երիտասարդի: Մեկնած օպերատիվ խումբը պարզել է, որ նշված ակումբի մոտ վիճաբանության ժամանակ հիշյալ անձինք փոխադարձ հարվածներ են հասցրել միմյանց, որի ընթացքում նրանցից մեկը սուր կտրող-ծակող գործիքով հարվածել է մյուսին` պատճառելով մարմնական վնասվածքներ: Նշանակվել են ԴԲՓ-ներ: Դեպքի հանգամանքները պարզվում են: Կատարվում է քննություն: hayeli.am-ը արդեն տեղեկացրել էր,որ   երեկ երեկոյան Բյուզանդի 1/3 հասցեի հարևանությմբ գտնվող ակումբներից մեկում դանակահարության դեպք է տեղի ունեցել: Ականատեսների վկայությամբ տուժողը ստացել է դանակի 4 հարված,ում տեղափոխել են հիվանդանոց:Ականատեսները պատմում էին,որ տեղի են  ունեցել նաև փսխման դեպքեր,ներկաների վիճակը  մտահոգիչ է եղել: Վերոնշյալ ակումբ հիմնականում ժամանում են իրանցի զբոսաշրջիկները: hayeli.am-ի ունեցած տեղեկություններով,ակումբը պատկանում է Սաշիկ Սարգսյանի որդուն: