«Սեֆիլյանի ազատազրկման ժամկետը կարող են ավելացնել մինչև 25 տարի». Տիգրան Հայրապետյան (փաստաբան) (video)

Հայելի ակումբում լրագրողների հետ հանդիպմանը փաստաբան Տիգրան Հայրապետյանը նշեց, որ իշխանությունները նոր դավադրություններ են կազմակերպում Սեֆիլյանի դեմ. «Կապված Սեֆիլյանի վերջին հայտարարությունների հետ, երբ նա ասաց, որ կանխատեսում է հայ ժողովրդի վերամիավորում, որը կտա ցանկալի արդյունք, իշխանությունն ուզում է նոր մեղադրանք առաջ քաշել»: Փաստաբանը Ժիրայր Սեֆիլյանին փոխանցել է, թե ինչ են նախատեսում կազմակերպել իր դեմ, որին ի պատասխան Սեֆիլյանն ասել է. «Ցանկանում են մեզ լռեցնել, մեզ լռեցնել հնարավոր չէ: Գործող ռեժիմը Հայաստանը Հյուսիսային Կորեայի վերածելու ռեսուրս չունի, ուստի շատ շուտով հոգին ավանդելու է, պարզ է, որ սա հոգեվարքի գործողություններ են»: Հարցին՝ ի՞նչ է սպառնում Սեֆիլյանին, եթե նման նյութ են պատրաստում իր դեմ, փաստաբանը նշեց. «Երևի մտածել են 10.5 տարին քիչ պատիժ է, եւս 10-20 տարի կարող են տալ, կարող են ավելացնել Ժիրայր Սեֆիլյանի ազատազրկման ժամկետը մինչեւ 25 տարի»: Մանրամասները՝ տեսանյութում.