Հանուն օպտիմալացման պետք չէ մարդուն, որն ունի երկու ձեռք, թողնել մեկ ձեռքով. Դավիթ Հարությունյան
«Օպտիմալացումը չի կարող լինել ինքնանպատակ:Օպիմալացումը նպատակ է, որը թույլ է տալիս ավելի արդյունավետ կառավարել, բայց եթե օպտիմալացումը բերելու է արդյունավետության նվազմանը, ապա դա օպտիմալացում չէ, դա, կներեք, կոպիտ բառ չեմ ուզում օգտագործել, սխալ մոտեցում է», -կառավարության նիստից հետո լրագրողների հետ զրույցում ասաց ՀՀ արդարադատության նախարար Դավիթ Հարությունյանն` անդրադառնալով դիտարկմանը, թե նոր նախագահի նստավայրի փոխարեն կարելի էր գնալ օպտիմալացման:
«Հանուն օպտիմալացման պետք չէ մարդուն, օրինակ, որն ունի երկու ձեռք, թողնել մեկ ձեռքով: Որովհետև այդ ձեռքով կարելի է ավելի շատ գործել, հիմա նույնն այս պարագայոմ՝ կան լիազորություններ, որոնք առավել արդյունավետ իրականցվելու են Բաղրամյան 26-ում:Բաղրամյան 26-ը կօգտագործվի մի շարք լիազորությունների իրականացման համար, իսկ այն լիազորությունները, որոնք ուղղակիորեն առնչվում են կառավարության գործունեությանը, կիրականացվի կառավարության շենքում», - ասաց նա:
Հետևեք մեզ Viber-ում
