Շարմազանովն ու Կարեն Ավագյանը Մովսես Հակոբյանից հարուստ են.ուր է անհետացել 100 հազար դոլարանոց ավտոմեքենան

Հայրենի որոշ պաշտոնյաների Բարձրաստիճան պաշտոնատար անձանց էթիկայի հանձնաժողովին ներկայացրած հայտարարագրերից եփած հավի ծիծաղն անգամ կգա: Զինված ուժերի շտաբի պետ Մովսես Հակոբյանը դեռեւս անցած տարի հայտարարագրել էր 100 հազար դոլարանոց շքեղ ավտոմեքենա եւ իր դղյակը, որը մեծ աղմուկ ու հանրային քննարկում բարձրացրեց: Եւ ահա, բարձրաստիճան զինվորականը որոշել է հեռու մնալ սկանդալներից ու ներկայանալ աղքատիկ հայտարարագրով: 2017 թվականին Հակոբյանի ֆինանսական կապիտալի եւ ունեցվածքի վերաբերյալ հայտարարագրից կարելի է եզրահանգել, որ այս պաշտոնյան գոյատեւում է բացառապես աշխատավարձի հաշվին: Մովսես Հակոբյանը ընդամենը 12 միլիոն դրամ եկամուտ է հայտարարագրել, ամբողջը աշխատավարձից ստացած գունար, ընդամենը 500 հազար դրամն է շահաբաժին: Իսկ կնոջ հայտարարագրից տպավորություն է ստեղծվում, որ այս ընտանիքում գործերն այնքան վատ են, որ Նարինե Ճավակյանը 1 միլիոն դրամով վաճառել է Արտադրական նշանակության տարածք : Փոխարենը հարուստ են զինվորական հայրիկի դուստրերը: Արմինե Հակոբյանը հայտարարագրել է տարեկան 58 միլիոն եկամուտ, որից 2 միլիոնը աշխատավարձից ստացած գումար, 50 միլիոնը ստացված փոխառություններ, նվիրատվություն կամ օգնություն, Մերի Հակոբյանը տարեկան եկամուտ է ներկայացել, նվիրատվություն 7, 6 միլիոն դրամի չափով: Ըստ հայտարարագրի Հակոբյանից ունեւոր պաշտոնյա է անգամ ԱԺ փոխխոսնակ Էդուարդ Շարմազանովը: Շարմազանովը գնել է 11 միլիոն դրամ արժողությամբ հողամաս, վաճառել է MERCEDES-BENZ G500 դասի ավտոմեքենան մոտ 16 միլիոն դրամով: Հայտարարագիրը լրացնելու պահին Շարմազոնովն ունեցել է մոտ 36 միլիոն դրամ, մինչեւ տարեվերջ այդ գումարը աճել է մոտ երկու անգամ: Պատգամավորի տարեկան դրամային եկամուտնեը հիսուն միլիոն դրամին մոտ են, որից 20-ը փոխառություններից ստացած գումարն է, 16-ը գույքը վաճառելուց ստացված գումար, մնացածը աշխատավարձ: Շարմազանովի կինը ՝Լիլիթ Դավթյանը ,հայտարարագրել է 6 միլիոն դրամ, նրա տարեկան եկամուտը 1 միլիոն 2 հարյուր հազար դրամ է կազմում, որը գոյանում է աշխատավարձից: Հակոբյանից ապահոված է նաեւ ՀՀԿ-ական պատգամավոր Կարեն Ավագյանը: Նա հայտարարագրել է 40 հազար դոլար եւ մոտ 25 միլիոն դրամ, պատգամավորի փոխառությունները կազմում են 68 մլն դրամ, տարեկան եկամուտները 10 միլիոն դրամից մի քիչ ավել են, որից երեքը փոխառություններից ստացած գումար: Կինը հայտարարագրել է տարեկան 1,3 միլիոն դրամ եկամուտ: Մովսես Հակոբյանի բախտակիցն է Գալուստ Սահակյանը, նրա տարեկան եկամուտը 10 մլն 300 հազար դրամ է՝ աշխատավարձ ու թոշակ: Իսկ ահա նրա կինը՝ Ժաննա Աղաբաբյանը պատկառելի ունեցվածք ունի, հայտարարագրել է 126,433,455.00 դրամ, տարեկան եկամուտը 25 միլիեն դրամ է, որից 23 միլիոնը շահաբաժին, մնացածը աշխատավարձ եւ թոշակ: Անի Սահակյան