Սպասելի եւ դրական. Շարմազանովը՝ Միլզի հայտարաության մասին
«Ողջամիտ,սպասելի եւ դրական հայտարարություն էր: Ժողովրդավարական երկրի դեսպանն այլ բան էլ չէր կարող հայտարարել: Հայտարարությունը կարեւոր ազդակ էր, որ խնդիրները պետք է լուծվեն Սահմանադրական ճանապարհով, ոչ թե բռնի գործողություններով: Իմ գնահատականով անտրամաբանական էր, որ որոշ լրատվամիջոցներ փորձում էին Սասնա ծռերի դատավարությանը տալ քաղաքական շող, դա անընդունելի է, փորձում են Հայաստանում տեսնել մի բան, որը չկա: Հայաստանում քաղաքական բանտարկյալներ չկան»,- ՀՀԿ ԳՄ նիստից հետո լրագրողների հետ ճեպազրույցում հայտնեց ՀՀԿ խոսնակ Էդուարադ Շարմազանովը՝անդրադառնալով ՀՀ-ում ԱՄՆ դեսպան Ռիչարդ Միլզի այն հայտարարությանը, որ արեւմուտքը չի օժանդակում «Սասնա ծռեր» խմբավորմանը: Շարամազանովը նաև ասաց,որ խոսքի ազատության, մարդու իրավունքների պաշտպանության, ժողովրդավարության զարգացման առումով անհամեմատելի են 2008թ. և 2018թ. Հայաստանները: «2008-2009 թվականներին միջազգային և եվրոպական կառույցները Հայաստանին շատ բաների համար էին քննադատում: Մենք կարող էինք դրանց մի մասի հետ համաձայն լինել, մյուս մասի հետ՝ ոչ, սակայն դա փաստ էր: Իսկ այսօր՝ 2018թ.-ին, կարող ենք արձանագրել, որ Հայաստանի Նախագահի վարած ճկուն քաղաքականության արդյունքում մենք ունենք ազատ քաղաքացիական հասարակություն և ազատ մամուլ: Սա իմ գնահատականները չեն, այլ ԱՄՆ հարգարժան դեսպանի գնահատականներն են, ով իր հարցազրույցներից մեկում այդ մասին խոսել է: Իսկ ոչ ժողովրդավարական երկրներում ազատ մամուլ և ազատ քաղաքացիական հասարակություն չի լինում»,- ընդգծեց ՀՀ ԱԺ փոխնախագահը:
Հետևեք մեզ Viber-ում
