Ինչ են զրուցել Արմեն Մարտիրոսյանն ու Սեյրան Օհանյանը

Արդեն մեկ շաբաթից ավել է՝ ազատամարտիկ, նախկին քաղբանտարկյալ Վոլոդյա Ավետիսյանն ընկերների հետ շուրջօրյա անժամկետ նստացույց է անում Ազատության հրապարակում: Նստացույցի պատճառը Ժիրայր Սեֆիլյանի եւ մյուսների գործով օրերս հրապարակված դատավճիռներն են: Ազատամարտիկն ասում է, որ իրենց նպատակը հեղափոխություն անելն է, համախմբված պայքարի միջոցով արդարության հասնելն ու թույլ չտալ, որ համատարած կուռուպցիան եւ անարդարությունը երկիրը վերջնականապես կործանեն: Ինչքան է մտադիր նստացույց անել մեր հարցին ազատամարտիկը պատասխանեց. «Որբաթ օրվա հանրահավաքից հետո պարզ կլինի»: Նա կոչ արեց ուրբաթ Ազատության հրապարակում միանալ իրենց:Այդ օրը՝ մարտի 30-ին Հանուն Հայաստան պետության ճակատը հանրահավաք կանի, այդ ճակատի ակտիվ անդամներից է նաեւ Վոլոդյա Ավետիսյանը: Նա չբացառեց, որ այդ օրը ինքը կդադարեցնի նստացույցը.<<Կախված մարդկանց քանակից, տրամադրվածությոնից էլ որոշում կկայացնեմ՝ շարունակել, թե դադարեցնել նստացույցը>>,-ասաց նա, եթե մեծ բազմություն հավաքվի, ապա ինքն էլ կշարունակի նստացույցը: Իսկ մինչ այդ ազատամարտիկը վստահեցրեց, որ արտաքուստ են այն տպավորությունները, որ ընդդիմության դաշտում միասնականություն չկա: Հայտնի է, որ պետության ճակատը բանակցում է ընդդիմադիր տարբեր ուժերի հետ, որպեսզի Սերժ Սարգսյանի վարչապետ դառնալու գործընթացի դեմ միասնական պայքար մղեն: Մի քանի շաբաթ է բանակցություններ են ընթանում, բայց կարծես թե որեւէ ուժ չի միանում այդ ճակատին: Մի քանի օր առաջ էլ ՀԱԿ անդամ Լեւոն Զուրաբյանը նույնիսկ հեգնեց, թե մարդիկ որոշել են այն ժամանակ գնալ ճակատամարտի, երբ ամեն ինչ արդեն ավարտվել է: Ավետիսյանը վստահեցրեց, որ իրականում մի խումբ ընդդիմադիրներ են միացել իրենց.<<Եթե նախկինում մի քանիսն էին, ապա հիմա 10-15 նոր մարդ է մասնակցում մեր հավաքներին>>: Ազատամարտիկը չհայտնեց, թե ովքեր են միացողները, ասելով, որ որոշ ժամանակ անց ամեն բան հայտնի կդառնա: Նա չխոսեց նաեւ պաշտպանության նախկին նախարար Սեյրան Օհանյանի՝ իրենց միանալու մասին, փոխանցեց, որ Օհանյանի հետ բանակցություններ է վարում Ժառանգության վարչության նախագահ Արմեն Մարտիրոսյանը, նա էլ կմանրամասնի, թե որ փուլում են բանակցությունները.<<Եթե Մարտիրոսյանն է զրուցել իր հետ, ես չեմ կարող կոնկրետ հիշել իր բառերը>> : Ճշտող հարցին, այդուհանդերձ հանդիպում եղել է, Ավետիսյանը ասաց, որ Մարտիրոսյանին հարցնենք: Վոլոդյան Ավետիսյանն անդրադառնալով Հայաստանում ԱՄՆ դեսպան Ռիչարդ Միլսի ՝Սասնա ծռերին աջակցության վերաբերյալ հայտարարությանը, այսպես պատասխանեց.<<Քանի որ Հայաստանի հանրապետության իշխանություններն օրինական չեն, ժողովուրդն իրենց չի ընտրել, հզոր պետություններն օգտագործում են իրենց լիազորությունները մեր իշխանության դեմ՝ հանուն իրենց շահերի>>: Թե ինչ է տալու այս հայտարարությունը ԱՄՆ-ին, Ավետիսյանը հստակ չպատասխանեց՝ ասելով, ամեն դեպքում կարծում է, որ նման հայտարարությունն ԱՄՆ-ն ինչ որ պահի ծառայեցնելու է իր նպատակներին ու շահերին: Նշենք, որ Ժիրայր Սեֆիլյանի դատավճռի հրապարակումից հետո հայկական մեդիադաշտում սկսեցին լուրեր շրջանառվել, թե Արևմուտքը Հայաստանում իշխանափոխության նպատակով աջակցում է ընդդիմադիր խմբերին, անգամ զինված խմբավորումներին, ինչպիսիք են «Սասնա ծռերը»: Հայաստանում ԱՄՆ դեսպան Ռիչարդ Միլսը այսօր հերքեց այդ լուրերը՝ ասելով, որ իրնք չեն հանդուրժում «Սասնա Ծռերի» և մյուսների գործողությունները, ովքեր դիմում են բռնության կամ ովքեր սպառնում են վնաս պատճառել մյուսներին՝ իրենց քաղաքական օրակարգն առաջ տանելու համար: Անի Սահակյան