Հայ մարզիչները ներկա են եղել Բորուսիայի մարզմանը
Հայաստանից Դորտմունդ ժամանած ֆուտբոլային պատվիրակությունը մարտի 8-ին հետեւել է «Բորուսիայի» կիսապաշտպան Հենրիխ Մխիթարյանի մարզմանը: Դրանց թվում է նաեւ Հայաստանի հավաքականի գլխավոր մարզիչ Վարուժան Սուքիասյանը, ով խոսել է 27-ամյա ֆուտբոլիստի մասին: «Հենրիխ Մխիթարյանն արտակարգ ֆուտբոլիստ է, իսկ «Բորուսիայում» նա առաջընթաց է գրանցել: Նա հոյակապ մրցաշրջան է անցկացնում: Սակայն նա կարող է ավելի լավը դառնալ»,- 59-ամյա մասնագետի խոսքը մեջբերում է «ruhrnachrichten»-ը: «Հիանալի է, որ այստեղ կարող ենք հետեւել մեր լավագույն ֆուտբոլիստին իր ակումբում մարզվելիս»,- ասել է Մխիթարյանի մայր Մարինա Տաշչյանը, ով ՀՖՖ Հավաքական թիմերի բաժնի պետն է:
Հետևեք մեզ Viber-ում
